Štó wujasni špatny wukon Choćebuza?

Dienstag, 22. April 2025 geschrieben von:

FC Energija Choćebuz prezentuje so tuchwilu ze špatnej seriju. Po runjewon perfektnej prěnjej połseriji, kotraž je přiwisnikow FCE samo k postupnej euforiji wjedła, je situacija nětkole cyle hinaša. Nimo cila, hrajnu klasu zachować, njeje hižo wjele wot toho zwostało, štož bě spočatnje tak wulkotne. Tutón spad do hłubokeje wukonoweje dźěry dyrbi swoje přičiny měć. Prašenje je, hač wjednistwo mustwa tele přičiny znaje. Je to wašnje hraća, kotrež stajnje zaso k zmylkam wjedźe? Za swoje atraktiwne a zaměrne hrajne wašnje bu nowačk w předkole ze wšěch stron z chwalbami posypany. Nětko hižo žana rěč wo tym njeje.

Wuslědki hrow pokazuja do nawopačneho směra a w škiće jewja so widźomne słabosće. Aktualnje su nadběhowarjo přećiwnika w sprintowych duelach jasnje lěpši. K tomu přidruža so zmylki a bjezstarostnosć. Dale so na hrajnišću pomału agěruje. Přećiwnik ma stajnje dosć chwile so najlěpje pozicioněrować. Na kóncu napadnje při nadběhach, zo wot zapodaćow a flankow z křidłow kaž tež z róžkow jasnje přemało stracha wuchadźa.

Sport wokoło jutrow měješe srjedu swój zazběh z nachwatanskej dypkowej hru prěnjeho koparskeho mustwa SJ Chrósćicy. Doma dobychu Chróšćenjo 2:0 přećiwo hosćom z Hornjeho kraja Sprjewja. Hru widźało bě 110 přihladowarjow. Hižo w druhej mjeńšinje bě Damian Matik trjechił a mjeńšinu do połčasa Jan Bogusz (druhi wotprawa). W tabulce wokrjesneje wyšeje ligi polěpšichu so Chróšćenjo na poziciju sydom. Foto: Konstantin Hrjehor

Rědki jubilej sympatiskeho koparja

Dienstag, 22. April 2025 geschrieben von:

Kapitan Borgmann – woprawdźity kapitan FC Energije!

Z dobreje přičiny je zaso raz tak daloko, myslić na znate zwěsćenje, kotrež rěka „Čas leći!“ Čłowjek móže lědma wěrić, zo Axel Borgmann mjeztym hižo pjeć a poł lěta za FC Energiju Choćebuz swoje kopački šnóruje. Wot nižozemskeho prěnjeho ligista VVV-Venlo bě škitar w awgusće 2019 k FC Energiji Choćebuz přišoł, a so tam hnydom ze stajnym hrajerjom runje hakle do regionalneje ligi zestupjeneho mustwa stał. A tež za Axela Borgmanna runaše so tuta změna towarstwa sportowemu zestupej. Jeho předchadźacej mustwje słušeštej mjenujcy k prěnim ligam w Němskej a Šwicarskej. Ze šěsć lětami bě Borgmann pola Schalke 04 hrać započał. Wot tamnišeho druheho mustwa změni wón do Šwicarskeje, do prěnjeje ligi k FC Vaduz. Tam bě wón tři lět, po tym hraješe pola VV-Venlo.

Energija pruwowanje wobstała

Dienstag, 22. April 2025 geschrieben von:

FC Energija Choćebuz –

Viktoria Köln 1:0 (0:0)

Zestawa FC Energija Choćebuz: Bethke – Rorig, Kusić, Kaizer, Bretschneider, Pelivan, Borgmann (80. Hofmann), Möker (94. Juckel), Ciğerci (94. Campulka), Thiele (64. Engelhardt), Copado (64. Krauß)

wrota: 1:0 Thiele (47.)

Wuslědki (22.04.25)

Dienstag, 22. April 2025 geschrieben von:

3. liga

Mnichow – Alemannia Aachen 2:1 (1:0)

Sandhausen – Essen0:2 (0:2)

FC Energija Choćebuz –

Viktoria Köln1:0 (0:0)

Wiesbaden – HZ Unterhaching 3:0 (2:0)

Arminia Bielefeld –

Hansa Rostock4:0 (3:0)

VfB Stuttgart II – SC Verl 1:1 (0:0)

VfL Osnabrück – FC Ingolstadt  1:0 (1:0)

1. FC Saarbrücken –

Dynamo Drježdźany1:4 (1:2)

Hannover 96 U23 –

Waldhof Mannheim1:1 (1:1)

FC Aue - Borussia Dortmund II 2:1 (1:1)

1. Dynamo Drježdźany 34 65  :  37 63

2. Arminia Bielefeld 34 57  :  34 62

3. FC Energija Choćebuz 34 57  :  44 58

4. 1. FC Saarbrücken 34 48  :  39 56

5. FC Ingolstadt 04 34 66  :  55 51

6. Hansa Rostock 33 46  :  41 51

7. TSV 1860 Mnichow 34 53  :  54 51

8. Viktoria Köln 34 51  :  46 50

9. SC Verl 34 49  :  48 50

10. Čerwjeno-běli Essen 34 48  :  48 49

11. Wehen Wiesbaden 34 50  :  53 46

12. FC Rudne horiny Aue 34 47  :  56 46

13. VfL Osnabrück 34 43  :  48 45

14. TSV Alemannia Aachen 34 37  :  38 44

15. Borussia Dortmund II 34 50  :  49 43

16. Waldhof Mannheim 34 38  :  42 39

17. VfB Stuttgart II 34 45  :  57 39

18. Sandhausen 34 45  :  58 32

19. Hannover 96 U23 34 45  :  67 30

20. HZ Unterhaching 33 38  :  64 23

Sport (17.04.25)

Donnerstag, 17. April 2025 geschrieben von:

Stań so z koparskim sudnikom!

Zapadołužiski koparski zwjazk WFV, Sportowa jednotka Chrósćicy a sportowe towarstwo Sokoł Ralbicy/Hórki přewjedu srjedu, 7. meje, wot 18 hodź. w Ralbičanskim stadionje „Jurij Frencl“ informaciske zarjadowanje wo temje „Stań so ze sudnikom!“. Wobdźělić smědźa so holcy a hólcy w starobje wot 12 lět. Přizjewić móžeće so pola Pascala Budarja pod pascal­

Koparske dypkowe hry

Tež lětsa hraje so zeleny štwórtk, jutry sobotu kaž tež wutoru zaso kopańca wo dypki. We wyšej lize a w třećej lize budźe to za Choćebužanow, Biskopičanow a Budyšanow regularny hrajny dźeń. Wšitke dalše koparske hry su nachwatanske dypkowe hry.

17.04.  19:00  Rakečanske ST –

  Drohotka Ramnow

17.04.  19:00  SZ Großnaundorf –

  Módro-běli Kulow

19.04.  14:00  FC Energija Choćebuz –

  Viktoria Köln

19.04.  14:00  Biskopičanske KT 08 –

  RSV Eintracht 1949

19.04.  14:00  Budissa Budyšin –

  Germania Halberstadt

22.04.  19:00  Rakečanske ST –

  TSV Wachau

Wotběhanje jutrownych jejow

Faworitej po dobrym boju podleželi

Mittwoch, 16. April 2025 geschrieben von:

FSV Bretnig-Hauswalde –

SJ Chrósćicy II 4:2 (3:1)

Zestawa hosći: M. Mark – Dórnik, T. Donat, F. Zahrodnik (61. Klemenc), J. Mark (74. Wjela), Liznar, Sćapan, Budar, M. Donat, M. Zahrodnik, B. Donat

Zašłu njedźelu bě so druhe zastupnistwo Chróšćan sportoweje jednotki na hru do Bretnig-Hauswalde podało.

Postupi Dynamo skónčnje?

Mittwoch, 16. April 2025 geschrieben von:

Je tak daloko. W 3. koparskej lize Němskeje započnje so, kaž we wšěch druhich, tak mjenowana rozsudna faza. Su to poslednje hrajne dny, w kotrychž dźe wo postup, zestup abo kwalifikaciju za pokalne koło Němskeho koparskeho zwjazka DFB. 15 dypkow w pjeć hrach je maksimalnje docpějomnych. Dynamo Drježdźany steja po 33. hrajnym dnju z jednym dypkom předskoka před Arminiju z Bielefelda na 1. městnje w tabulce. Team trenarja Thomasa Stamma ma jasny cil: Postup. To aktualnje derje wupada. Přiwšěm pak njesmědźa popušćić, dokelž je tabulka jara wuska.

W krajnej stolicy su sej přiwšěm wěsći, zo zmylki minjenych dweju lět njewo­spjetuja. Dwójce skomdźichu snadnje postup, dwójce hrubych zmylkow dla. Nowy trenar, nowe mustwo, samsne zmylki? Naposledk wudobychu sej čorno-žołći w zašłych třoch hrach „jenož“ štyri z móžnych dźewjeć dypkow.

Posledni přećiwnicy za Dynamo Drježdźany: Saarbrücken, Sandhausen, Bielefeld, Mannheim a Unterhaching.

Theodor Wajdlich

Dalšej poražce za Chróšćansku rezerwu

Dienstag, 15. April 2025 geschrieben von:

SJ Wołbramecy –

SJ Chrósćicy II 2:1 (0:0)

Zestawa hosći: Mark – M. Donat, F. Zahrodnik, T. Donat, Handrik, Budar (72. Wowčer), Sćapan, J. Donat, G. Zahrodnik, M. Zahrodnik (78. Klemenc), Kř. Zahrodnik (67. Pöpel)

We Wołbramecach (Steinigtwolmsdorf) bě druhe koparske mustwo SJ Chrósćicy k dypkowej hrě nastupiło. Po dźělenju dypkow w serbskim derbyju dyrbjachu dalše dypki sćěhować.

Na małym hrajnišću wuwi so wot spočatka sem napjata hra. Domjacy cyłk měješe bul dlěše fazy pod kontrolu a jewješe so tež něšto króć před wrotami Chróšćanow. Tola třělwy wrota misnychu. W 20. min. pak bě po flance z praweje strony hrajer před wrotami swobodny. Tón sej bul hišće raz doprědka połoži. Z tym zamó wrotar Matej Mark třělcej napřećo hić a třělwu wotwobarać. Chróšćenjo sami spytachu na přećiwnika wulki ćišć wukonjeć, sej bule zdobyć a spěšnje před wrota přińć. To so jim tež hdys a hdys poradźi, tola tak wuhrate třělwy běchu njedokładne a wrota misnychu. Tak dźěštej mustwje bjez wrotow do połčasa.

Šesty remis pospochi za Sokołow

Dienstag, 15. April 2025 geschrieben von:

Póst Germania Budyšin –

Sokoł Ralbicy/Hórki 1:1 (1:0)

Zestawa hosći: Schöne, B. Heidorn, Rachela (80. Domaška), Wałda, Woko (64. Hicka), Rawš, Gloxyn, Mikławšk (46. Korjenk), Mjechela, Bejma, Šnajder (72. Bejmak)

Na domjacu hru w prěnjej połseriji přećiwo Budyšanam so Sokoljo rady dopominaja, dokelž poradźi so jim prěnje domjace dobyće. Mjeztym pak bě so přećiwnik na pjate městno tabulki polěpšił. Z tym bě faworit w tutej hrě.

Trenar Christoph Gloxyn wupraji młodemu cyłkej swoju dowěru a wostaji nazhonitych zajacow kaž Fabiana Korjenka, Pětra Domašku a Křesćana Bejmaka najprjedy raz na ławce.

Chróšćan Šulerjo

Neuheiten LND