Wokrjesna klasa stafla III

LSV Hory II – Njeswačidło 3:3 (1:1)

Wuj./Łaz/B. Chołmc – Njebjelčicy 1:5 (1:2)

Ralb./Panč. II – Halštr./Hlin. II 4:1 (1:0)

1. HZ Wulke Ždźary 17 84  :  14 45

2. Módro-běli Njeswačidło 17 64  :  26 40

3. SJ Njebjelčicy 17 59  :  24 35

4. Wóslink/Skas./Kulow II 17 42  :  28 34

5. Jednota Kamjenc 17 55  :  22 33

6. ST Běła/Cunnersdorf 17 38  :  33 28

7. LSV Hory II 17 45  :  35 22

8. HZ Halštrow/Hlinowc II 17 33  :  42 19

9. HZ Ralbicy II / Pančicy II 17 30  :  43 19

10. Wul. Dubrawa/Radw. II 17 33  :  43 16

11. Nadrózna Hrabowka II 17 26  :  38 16

12. Wujězd/Łaz/B. Chołmc 17 25  :  55 16

13. ST Lubuš II 17 17  :  70 13

14. FSV Łuty II 17 13  :  91 1

ST Nadrózna Hrabowka –

ST 1922 Radwor 3:1 (1:0)

Zestawa hosći: Šěrak – B. Grubert (21. Wróbl), Omran, M. Dźisławk, Hetaš, Wjacławk, Schöne, Glücklich (81. Bišof), Paška, Wencel (88. Dej), C. Dźisławk

W prěnich mjeńšinach na twjerdym hrajnišću wobě mustwje wuspytaštej, kak přećiwnik reaguje. Hižo zahe nasta 0:1 přez samowrota Mata Dźisławka. Dołhi bul zhłójčkowa škitar do směra swójskich wrotow, w kotrychž pak wrotar bohužel njesteješe (7.). Domjacy derje zakitowachu. Najlěpšu móžnosć prěnjeho połčasa dósta Casper Dźisławk, kiž pak bu w poslednim wokomiku wot zakitowarja zadźeržany. Radworčenjo njemóžachu hustodosć bul w swójskich rjadach zdźeržeć. Nimo toho njespytachu ani přećiwnika wulce pod ćišć stajeć.

W druhim połčasu agěrowachu hosćo trochu ofensiwnišo. Hosćo spytachu wurunanje docpěć, ale bjez wulkeho wuspěcha. W 68. min. zwyšichu hosćićeljo přez direktny wólny kop na 2:0. Krótko po tym docpě Johannes Jatzwauk po wólnym kopje 2:1. Ale we 78. min. zwyšichu hosćićeljo hišće na kónčny wuslědk 3:1.

ST 1922 Radwor –

ST Zeleno-běli Sepicy 2:1 (2:1)

„Młodźi dźiwi“ Viktorije Worklecy běchu so njedźelu na daloku jězbu do Lipska podali, a to jako jedne ze štyrjoch mustwow, kiž běchu so za regionalne wolejbulowe mišterstwo w starobnej skupinje U20 kwalifikowali. Hromadźe z hrajerjemi poda so zdobom něhdźe 50 fanow a fanowkow z Łužicy z busom sobu do Lipska. Tež wulki bubon mějachu sobu, tak zo móžachu swoje mustwo mócnje podpěrać.

Lipsk, Jena, Erfurt/Gotha – to běchu města, z kotrychž přećiwnicy Worklečanow pochadźachu. To pokaza hižo na to, kajki hoberski wuspěch to za dorost Viktorije bě, so jako druhi w sakskim mišterstwje za regionalne koło kwalifikować. Poradźi so młodym Worklečanam hišće wjetši dźiw, zaćah do zwjazkoweho finala?

Viktoria Worklecy –

L.E. Volleys 0:2 (22:25, 20:25)

W prěnjej hrě móžachu derje z mustwom L.E. Volleys sobu dźeržeć. Na kóncu dweju sadźbow pak so Lipšćenjo, kaž hižo w sakskim finalu, z 2:0 přesadźichu (25:22, 25:20). Hladajo na to, zo su L.E. Volleys lěto wob lěto faworit w tutym kole, je hižo wuspěch, přećiwo nim jenož snadnje podležeć. Tuž běchu Worklečanscy hólcy optimistiscy, zo sej přećiwo tamnymaj přećiwnikomaj dypki wudobudu.