Z kolesom z wětřikom po Łužicy a Europje
Mjez Kukowom a Kulowom stej w Serbach dwě skupinje wólnočasnych sportowcow, kotřiž su prawidłownje zhromadnje z wubědźowanskimi kolesami po puću. To stej Racing team Kukow/Worklecy z přewažnje serbskimi kolesowarjemi kaž tež KLW velo club, w kotrymž so kolesowarscy sportowcy z Kulowa a wokoliny zetkawaja. A tam su Serbja wězo tež zastupjeni.
Kukowčenjo wjerća swoje zhromadne koła přewažnje njedźelu, mjeztym zo so Kulowčenjo wot apryla hač do septembra we wotměnje srjedu a štwórtk k swjatokowej jězbje na něhdźe 60 km trjechja. Wězo zarjaduja na spočatku a na kóncu lěta zahajensku a zakónčacu jězbu, kotraž je něhdźe 100 km dołha. Loni Serbske Nowiny rozprawjachu, kak so jednotliwi sportowcy přez zymu fit dźerža a kotre zaměry za 2024 maja. Maik Brězan je so někotrych z nich prašał, hač su cile docpěli a što sej za 2025 předewzaja. Nimo toho zjima zajimawostki lěta.
Liški pytaja dorost
Sydom mustwow na halowym koparskim turněrje
Serbske koparske mustwo žonow bě so njedźelu na halowym cupje w Njedźichowje wobdźěliło. Hrajne zjednoćenstwo koparkow ST Nadrózna Hrabowka/Módro-běli Kulow bě 6. TDDK-halowy cup wuhotowało. Na nim wobdźěli so sydom mustwow. Nimo serbskeho cyłka hrajachu tam KT Ottendorf-Okrila, Zeleno-běli Bukecy, ST Lubuš, Wartenbergske ST Berlin 1974, SZ Gerbergrund Goppeln a zarjadowar Nadrózna Hrabowka/ Módro-běli Kulow. Hrajny modus wuhra so kóždy přećiwo kóždemu. Hrajny čas bě stajnje dwanaće mjeńšinow.
Prěnjej hrě dobychu serbske koparki přećiwo cyłkomaj z Bukec a Lubuša stajnje z 2:0. Wrota přećiwo Bukečankam třělištej Johanna Wjeselic a Tea Kuncec a přećiwo Lubušankam Marie Kralec a Johanna Wjeselic. Třeća a štwórta hra přećiwo hrajnemu zjednoćenstwu Nadrózna Hrabowka/Kulow a mustwu Gerbergrund Goppeln skónčištej so 0:0, pjatu partiju serbske mustwo 0:3 přećiwo pozdźišim dobyćerkam z Ottendorfa-Okrille přěhra a šesta hra měješe zaso pozitiwny wukónc. Serbske žony přesadźichu so přećiwo Wartenbergskemu sportowemu towarstwu 2:0. Znowa trjechištej Tea Kuncec a Johanna Wjeselic.
Splećenje nabožiny a politiki
Villanova (B/SN). Teologa Massimo Faggioli nabožnu inscenaciju zapokazanja Donalda Trumpa do zastojnstwa prezidenta wótrje kritizuje. „Přilizowanje ameriskich duchownych dopomina na Wladimira Putina a na rusko-ortodoksnu cyrkej, při wšěch rozdźělach“, praji Faggioli katolskej powěsćerni. Wón warnuje před znjewužiwanjom nabožiny za politiske zaměry.
Jubilar Anselm Grün
Münsterschwarzach (B/SN). Składnostnje 80. narodnin Anselma Grüna so jemu medije wobšěrnje wěnuja. Dotal je kniharnja klóštra w Münsterschwarzachu 20 milionow knihi najznaćišeho benediktinskeho mnicha předała, 300 titulow je běžnje w poskitku. Wob tydźeń ma mnich šěsć hodźin za literaturu rezerwowane. Lětnje je wón na 200 čitanjach ze zdźěla hač do 500 připosłucharjemi po puću.
Kaž nan a bratr
Perfektny start druheje połserije
DSC Arminia Bielfeld –
FC Energija Choćebuz 0:2 (0:1)
Zestawa FC Energije Choćebuz: Bethke – Rorig, Kusić, Slamar, Bretschneider, Ciğerci (89. Hofmann), Pelivan, Borgmann (90.+5 Putze), Copado (80. Proničew), Engelhardt, Halbauer (46. Krauß)
wrota: 0:1 Copado (2.), 0:2 Krauß (47.)
přihladowarjo: 22 012
Načolnu hru pola Arminije Bielefeld je FC Energija Choćebuz ze zasłuženym wuspěchom 2:0 zakónčiła. Hosćom wobradźi wuspěch wrotow wjetšu wěstotu a jasnu kontrolu nad hru. Dominik Pelivan, Axel Borgmannom a Tolcay Ciğerci wšitke ofensiwne pospyty domjaceho mustwa znješkódnichu.
Z tutym wonkownym dobyćom je so FC Energija Choćebuz najwažnišemu sezonowemu cilej přibližiła, kotryž rěka: Zachowanje klasy. Ze zbywacych 18 dypkowych hrow dyrbja hrajerjo FCE nětko jenož hišće dwě dobyći domchować, zo bychu 46 dypkow docpěli.
Minjenu sobotu wočakowachu Choćebuženjo chowancow Dynama Drježdźany w Choćebuskim LEAG Energijowym stadionje. Georg Zielonkowski
Prěnje koparske mustwo Sokoła Ralbicy/Hórki je sobotu a njedźelu ...
Widźał,słyšał, napisał (27.01.25)
Awtor dźensa
Křesćan Korjeńk
Energija wostanje načolnik w třećej koparskej lize
FC Energija Choćebuz –
Dynamo Drježdźany 1:1 (0:0)
Zestawa FC Energije Choćebuz: Bethke – Rorig, Kusić, Slamar, Bretschneider (84.Tallig), Ciğerci, Pelivan, Borgmann (84. Halbauer), Copado, Engelhardt, Krauß (75. Thiele)
Zestawa Dynama Drježdźany: Schreiber – Kammerknecht (66. Hoti), Boeder, Kubatta, Risch (66. Heise) - Casar, Baur (58. Meißner) , N. Hauptmann - Lemmer, Kutschke (78. Berger, Kother (58. T.Menzel)
slěd wrotow: 0:1 Kutschke (60.), 1:1 Thiele (86.)
přihladowarjo: 19 700
Duel načolnika tabulki třećeje ligi FC Energije Choćebuz přećiwo direktnemu přesćěhowarjej Dynamo Drježdźanam zamó wočakowanja zwjetša spjelnić.
Po wrotach Svena Kutschke (60.) mocy hosća nadobo popušćachu. Choćebuz porno tomu aktiwnišo a fleksibelnišo agěrowaše, tak zo docpěchu w 86. min. 1:1 přez Timmyja Thiele. Tallig flankowaše wot lěweho křidła preciznje do šěsnatki, hdźež Thiele z hłójčkowanym bulom hewak suwereneho Drježdźanskeho wrotarja Schreibera přelesći. Z mnohimi dalšimi nadběhami wuhrachu sej hišće wjace šansow, tola wrota njezamóchu trjechić.
Wuslědki (27.01.25)
Kopańca, 3. liga
Viktoria Köln – Mannheim 1:0 (1:0)
Aue – VfL Osnabrück0:0 (0:0)
Hansa Rostock – Wiesbaden 1:4 (0:0)
TSV Mnichow – VfB Stuttgart II 1:1 (0:0)
Choćebuz – Dynamo Drježdźany 1:1 (0:0)
SC Verl – Alemannia Aachen 2:1 (0:0)
Sandhausen – 1. FC Saarbrücken 2:4 (1:1)
Essen – Hannover U23 5:1 (4:1)
FC Ingolstadt – HZ Unterhaching 3:1 (2:0)
B. Dortmund II – Ar. Bielefeld 0:4 (0:1)
1. FC Energija Choćebuz 21 45 : 25 41
2. Dynamo Drježdźany 21 41 : 24 39
3. 1. FC Saarbrücken 21 32 : 21 38
4. Viktoria Köln 21 35 : 28 35
5. FC Ingolstadt 04 21 46 : 34 34
6. Arminia Bielefeld 21 29 : 22 34
7. SC Verl 21 33 : 28 32
8. Hansa Rostock 21 29 : 26 31
9. Wehen Wiesbaden 21 34 : 34 31
10. FC Rudne horiny Aue 21 32 : 36 30
11. Borussia Dortmund II 21 37 : 35 29
12. TSV Alemannia Aachen 21 21 : 23 28
13. Sandhausen 21 34 : 35 27
14. TSV 1860 Mnichow 21 30 : 39 25
15. Waldhof Mannheim 21 20 : 25 22
16. VfB Stuttgart II 21 27 : 38 21
17. Hannover 96 U23 21 25 : 36 21
18. Čerwjeno-běli Essen 21 28 : 37 20
19. VfL Osnabrück 21 25 : 38 19
20. HZ Unterhaching 21 24 : 43 14
Sport (24.01.25)
Worklečanki hraja doma
We wobwodnej klasy wuchodosaksa hraje druhe wolejbulowy mustwo holcow jutře dwójce doma, a to přećiwo Žitawje a Módro-běłym z Wojerec. Hosćićel je dotal njeporaženy načolnik.
25.01. 10:00 Viktoria Worklecy II –
VV Žitawa 09 III (ž)
25.01. 10:00 Viktoria Worklecy II –
Módro-běli Wojerecy (ž)
01.02. 14:00 SV Viktoria Worklecy –
ASV Rózbork (ž)
01.02. 14:00 SV Viktoria Worklecy –
Ochranow (ž)
01.02. 14:00 CVJM Zhorjelc II –
Viktoria Worklecy II (m)
Přihotowanske koparske hry
Wokrjesny wyši koparski ligist, prěnje mustwo Sokoła Ralbicy/Hórki, přihotuje so hnydom dwójce na druhu połseriju, a to jutře a zajutřišim doma w Ralbicach na twjerdym hrajnišću.
25.01. 14:00 Sokoł Ralbicy/Hórki –
Módro-běli Kulow
26.01. 14:00 Sokoł Ralbicy/Hórki –
SJ Chrósćicy II
26.01. 14:00 Bretnig-Hauswalde –
SJ Chrósćicy I
02.02. 14:00 SJ Chrósćicy I –
ST Nowe Město/Saska I
Serbske mustwo so wobdźěli
