Worklečenjo z fanami na regionalnym mišterstwje

Dienstag, 08. April 2025 geschrieben von:

„Młodźi dźiwi“ Viktorije Worklecy běchu so njedźelu na daloku jězbu do Lipska podali, a to jako jedne ze štyrjoch mustwow, kiž běchu so za regionalne wolejbulowe mišterstwo w starobnej skupinje U20 kwalifikowali. Hromadźe z hrajerjemi poda so zdobom něhdźe 50 fanow a fanowkow z Łužicy z busom sobu do Lipska. Tež wulki bubon mějachu sobu, tak zo móžachu swoje mustwo mócnje podpěrać.

Lipsk, Jena, Erfurt/Gotha – to běchu města, z kotrychž přećiwnicy Worklečanow pochadźachu. To pokaza hižo na to, kajki hoberski wuspěch to za dorost Viktorije bě, so jako druhi w sakskim mišterstwje za regionalne koło kwalifikować. Poradźi so młodym Worklečanam hišće wjetši dźiw, zaćah do zwjazkoweho finala?

Viktoria Worklecy –

L.E. Volleys 0:2 (22:25, 20:25)

W prěnjej hrě móžachu derje z mustwom L.E. Volleys sobu dźeržeć. Na kóncu dweju sadźbow pak so Lipšćenjo, kaž hižo w sakskim finalu, z 2:0 přesadźichu (25:22, 25:20). Hladajo na to, zo su L.E. Volleys lěto wob lěto faworit w tutym kole, je hižo wuspěch, přećiwo nim jenož snadnje podležeć. Tuž běchu Worklečanscy hólcy optimistiscy, zo sej přećiwo tamnymaj přećiwnikomaj dypki wudobudu.

Mocy na wysokim niwowje měrili

Dienstag, 08. April 2025 geschrieben von:

TSV Kundračicy –

Viktoria Worklecy I 3:1

(25:22, 21:25, 25:19, 25:22)

Za Viktoriju Worklecy zasadźene běchu: Anja Biela, Diana Hajnec, Xenia Koberec, Marina Köhler, Stefanie Köhler, Klara Kralec, Jenny Otto, Constance Pötschke, Rejzka Rawšec, Anja Schmidtowa, Kath­rin Spiesec, Hannah Šustrec, Jana Žurowa. Trenarka: Daniela Kralec

Kónc tydźenja dojědźechu sej wolejbulistki prěnjeho zastupnistwa Viktorije Worklecy do Habrachćic, zo bychu swoju předposlednju hru aktualneje sezony přećiwo žonam z Kundračic wuhrali. Wosebitosć tutoho hrajneho dnja bě, zo so dwě hrajerce posledni raz aktiwnje na dypkowych hrach wobdźělištej a dalša hrajerka mustwo nachwilnje wopušći. Hrajny dźeń bě za nje takrjec rozžohnowanje.

Žony z Kundračic su za Worklečanki hižo dołho znaty kontrahent. W zašłosći njejsu sej mjez sobu ničo darili a kóždy raz wotmě so na parkeće horcy bój, štož pokazuje tež posledni dypkowy staw mjez mustwomaj na zetkanju we Worklecach: Ze 27:25, 23:25, 24:26 a 22:25 móžachu so Kundračanki snadnje přećiwo Worklečankam přesadźić. Sobotu tydźenja mějachu Kundračanki domjacu lěpšinu.

Faworitej so dołho wobarali

Dienstag, 08. April 2025 geschrieben von:

ST Marijina hwězda –

Hlinowski SK 1:3 (1:2) 

Zestawa domjacych: Matik – Wróbl, E. Bulank, K. Pakoßnik, R. Cyž (77. Hoge), Lugge (46. F. Zelnak), Kurink (62. E. Zynda), Fl. Bulank (87. Clausen), Eldor, Kreuz, J. Pakoßnik (62. Peschmann)

Njedźelu bě dotal njeporaženy načolnik tabulki wokrjesneje ligi stafle I z Hlinowca w Pančicach-Kukowje z hosćom.

Worklečanki w hrajnym krimiju dobyli

Montag, 07. April 2025 geschrieben von:

MSV Budyšin 04 II –

Viktoria Worklecy I 0:3

(16:25, 28:30, 17:25)

Za Viktoriju Worklecy zasadźene běchu: Maika Dźisławkec, Diana Hajnec, Xenia Koberec, Stefanie Köhler, Klara Kralec, Jenny Otto, Constance Pötschke, Rejzka Rawšec, Anja Šmidtowa, Kathrin Spiesec, Hannah Šustrec, Jana Žurowa.

Trenarka: Daniela Kralec

Na prěni pohlad zda so wuslědk hry dwójce jasny a jónu napjaty być. We wšitkich třoch sadźbach měješe z wobeju mustwow znajmjeńša jedna hrajerka troje nadaća, w druhej sadźbje samo z kóždeho mustwa štyri hrajerki. To bě hotowy krimi.

Započatk prěnjeje sadźby bě wurunany. Hač do dypkoweho stawa 6:6 dypkowaštej wobě mustwje ze swójskimi wuspěšnymi nadběhami abo dźakowano zmylkam přećiwnika, kaž do saka abo z pola bitym bulam. Wosrjedź sadźby pak zamó so prěnje zastupnistwo přesadźić a sej snadny předskok nadźěłać. Po sylnej seriji nadaćow kaž tež přez dalše wuspěšne nadběhi z prědnjeho a ze zadnjeho pola jón wobstajnje wutwarjachu a wotstawk powjetšichu. Prěnju sadźbu dobychu Worklečanki 25:16.

Wolejbulowy cyłk starobneje klasy U20 sportoweho towarstwa Viktorije Worklecy je wčera na regionalnym wolejbulowym mišterstwje Durinskeje a Sakskeje štwórte městno wobsadźił. Mustwo trenarskeje dwójki Aleksandera Cyža (prědku naprawo) a Daniela Galla drje wšitke tři hry 0:2 přěhra, pokaza pak před swójskim publikumom, kiž bě po dźesatkach do Lipska přijěł, jara dobry wukon. W sportowych stawiznach „Młodych dźiwich“ bě to dotal najwjetši wuspěch. Prěnje městno wobsadźichu L.E. Volleys, druhe Volleyball Youngstars Durinska a třeće 1. VSV Jena z.t. Foto: Mia-Katarina Hrjehorjec

Widźał, słyšał, napisał (07.04.25)

Montag, 07. April 2025 geschrieben von:

Awtor dźensa

Elias Bětka

Prawidłownje so hibać je w lěće 2025 dawno wjace hač hoła rehabilitaciska naprawa. Trenowanje mocow w kombinaciji z fyzioterapeutiskim přewodom je so jako kruty wobstatk stroweho, aktiwneho žiwjenja etablěrowało, a to njewotwisnje wot staroby. Wšojedne hač za prewenciju, za stopnjowanje wukonow abo za zaměrne wobchadźenje z ćělnymi wobćežnosćemi abo wobmjezowanjemi – mocosport hraje dźensa centralnu rólu při zdźerženju a spěchowanju strowoty.

Sport (04.04.25)

Freitag, 04. April 2025 geschrieben von:

Njedźelniše hrajne dny

W Ralbicach a w Chrósćicach hraje so dwójce. Njebjelčenjo nastupja přećiwo hrajnemu zjednoćenstwu Wujězd a Pančičenjo doma přećiwo načolnikej z Hlinowca.

06.04.  11:00  Wujězd/Łaz/B. Chołmc –

  SJ Njebjelčicy

06.04.  12:30  HZ Ralbicy/Pančicy II –

  HZ Halštrow/Hlinowc II

06.04.  12:30  SJ Chrósćicy II –

  Motor Kumwałd

06.04.  14:00  ST Marijina hwězda –

  Hlinowski SK

06.04.  14:00  Budissa Budyšin –

  VfB Auerbach

06.04.  15:00  SJ Chrósćicy –

  TSV Wachau

06.04.  15:00  ST Radwor –

  Zeleno-běli Sepicy

06.04.  15:00  Sokoł Ralbicy/Hórki –

  HZ Łaz/Běły Chołmc

Stań so z koparskim sudnikom!

Zapadołužiski koparski zwjazk WFV, Sportowa jednotka Chrósćicy a sportowe towarstwo Sokoł Ralbicy/Hórki přewjedu srjedu, 7. meje, wot 18 hodź. w Ralbičanskim stadionje „Jurij Frencl“ informaciske zarjadowanje wo temje „Stań so ze sudnikom!“. Wobdźělić smědźa so holcy a hólcy w starobje wot 12 lět. Přizjewić móžeće so pola Pascala Budarja pod pascal­

Wolejbulisća na cilowej liniji

ST Horni kraj Sprjewja –

SJ Chrósćicy 1:0 (1:0)

Zestawa hosći: Škoda – Mark, Młynk, Cyž, Graf (85. Mi. Zahrodnik), Handrik (64. Bjeńš), Wornar, M. Zahrodnik, L. Zahrodnik, Bogusz, Kř. Zahrodnik

Zašłu sobotu zetkachu so Chróšćenjo w Korzymje, hdźež hrajachu přećiwo zjednoćenstwu Horni kraj Sprjewja. Bě to prěnja hra přećiwo koparjam z Hornjeho kraja w sezonje 2024/2025, wšako dyrbi so partija prěnjeje połserije hišće nachwatać.

Wuslědki (02.04.25)

Mittwoch, 02. April 2025 geschrieben von:

Wokrjesna wyša liga

ST Horni kraj-Sprjewja –

SJ Chrósćicy  1:0 (1:0)

SC 1911 Großröhrsdorf –

TSV Połčnica  3:1 (0:0)

Ottendorf-Okrilla – Bukecy  5:5 (1:3)

Módro-běli Kulow –

Drohotka Ramnow1:2 (0:0)

Wachau – Sokoł Ralbicy/Hórki1:1 (0:0)

HZ Łaz/Běły Chołmc –

Rakečanske ST0:2 (0:1)

Póst Germania Budyšin –

ST Hnašecy-Dobruša2:1 (1:0)

SG Großnaundorf –

Natwar Němske Pazlicy 0:6 (0:1)

1. Natwar Němske Pazlicy 19 55  :  18 52

2. SC 1911 Großröhrsdorf 20 41  :  29 41

3. ST Hnašecy-Dobruša 20 46  :  26 39

4. Póst Germania Budyšin 20 43  :  34 33

5. Rakečanske ST 17 49  :  21 32

6. SG Großnaundorf 19 39  :  29 31

7. Sokoł Ralbicy/Hórki 20 31  :  21 24

8. ST Horni kraj-Sprjewja 19 32  :  43 24

9. SJ Chrósćicy 19 29  :  32 23

10. Zeleno-běli Bukecy 20 45  :  49 23

11. TSV Wachau 19 27  :  33 20

12. Drohotka Ramnow 18 26  :  38 20

13. Módro-běli Kulow 19 22  :  35 19

14. FV Ottendorf-Okrilla  20 28  :  47 17

15. TSV Połčnica 19 23  :  41 14

16. HZ Łaz/Běły Chołmc 18 9  :  49 5

40. sokołoski turněr wo pokal Domowiny wuspěšny

Dienstag, 01. April 2025 geschrieben von:

Małe dypki w finalnym kole wo dobyćerju rozsudźili

Dokelž bě cyłk 10. lětnika Worklečanskeje Serbskeje wyšeje šule „Michał Hórnik“ dźeń do turněra wotprajił, běše jich sobotu w Radworskej Slaviji jenož jědnaće mustwow. Za jubilejny 40. sokołski wolejbulowy turněr wo pokal Domowiny je to poměrnje niska ličba mustwow, wosebje před pozadkom wolejbuloweho a bičwolejbuloweho rozmacha zašłych lět w Serbach. Starosta Serbskeho Sokoła a hłowny organizator turněra Jan Hrjehor pak wě, na čim móhło to zaležeć: „Termin bě njezbožownje woleny. Koparske a wolejbulowe dypkowe hry, firmowanje w Chrósćicach a kickerowy turněr we Wotrowje na samsnym kóncu tydźenja je po wšěm zdaću přewjele konkurency za ludosportowy wolejbul.“

W třoch skupinach na třoch hrajnišćach hrali

Chróšćan Šulerjo

Neuheiten LND