Wokrjesy maja busy zasadźić
Budyšin (SN/JaW). Přichodnu póndźelu móža so šulerki a šulerjo wotchadnych lětnikow kaž tež jich wučerki a wučerjo serbskich šulow bjezpłatnje na koronawirus testować dać. Kaž sakske ministerstwo za kultus zdźěli, započnu póndźelu na wšitkich sakskich šulskich kubłanišćach wotchadne lětniki zaso wuwučować. „Testy su dobrowólne, winowatosć so testować dać njewobsteji. Přiwšěm bych sej přał, zo so prawje wjele wuknjacych a wučacych testować da – k swójskemu škitej, ale tež k škitej druhich. Testy měli zdobom zaručić, zo po dołhim času lockdowna jeno strowe wosoby do šulow přichadźeja. Jasne pak tohorunja je, zo mamy zakładne prawidła hygieny nuznje dale dodźeržeć“, praji kultusowy minister Christian Piwarz (CDU).
Wuša njeběrokratiska kooperacija trěbna
Ludmila Budarjowa so po 30 lětach skutkowanja jako předsydka Serbskeho šulskeho towarstwa rozžohnuje
Jedne ze załoženych towarstwow po měrliwej rewoluciji a wot 5. januara 1991 hač do dźensnišeho wuspěšnje skutkowacych je Serbske šulske towarstwo (SŠT). Milenka Rječcyna je so z Ludmilu Budarjowej, kotraž běše tři lětdźesatki jeho předsydka, rozmołwjała.
Što su dźensniše ćežišća skutkowanja SŠT? Wšako je towarstwo w zjawnym zrozumjenju často „jenož hišće“ nošer dźěćacych dnjowych přebywanišćow?
L. Budarjowa: W našich kubłanišćach posrědkujemy něhdźe 600 dźěćom serbšćinu. Z nimale telko staršiskimi domami wudźeržujemy běžny kontakt, a tak smy w zjawnosći na tym polu bóle prezentni. Naš hłowny nadawk njeje so wot załoženja towarstwa změnił: serbsku rěč pěstować, zachować a ju dale wuwić. Staramy so wo dorost kubłarkow/kubłarjow a wučerjow/wučerkow, wo zakonske zaručenje posrědkowanja serbšćiny na šulach a kubłanišćach, wo lěpše wuwučowanske wuměnjenja a dalše. Dźěło ze staršiskimi iniciatiwami a přiradami chce SŠT w přichodźe hišće zesylnić.
Trjebaja dale strukturu
Wažne je sej zwisk mjez wučerjemi, šulerjemi a staršimi wobchować
Budyšin (SN/MiR). Šulerjo maja dale doma wuknyć. Srjedu je sakske ministerstwo za kultus wozjewiło, zo wostanu šule hač do 6. februara zawrjene a zymske prózdniny budu krótše. Za to maja so jutrowne wo něšto dnjow podlěšić. Jeničce za wuknjacych wotchadnych rjadownjow zmóžnja prezencnu wučbu hižo wot 18. januara. Starši su tuž dale wužadani, dokelž maja swojim dźěćom při spjelnjenju nadawkow poboku być, kotrež jim wučerjo sćelu.
Nowa kolenkowa knižka wušła
Budyšin (SN/JaW). Serbskim pěstowarnjam a Witaj-skupinam pod božodźěsćowy štom je Rěčny centrum WITAJ w Budyšinje nowu kolenkowu knižku „Leonowa nowa pěstowarnja“ wudał. Spisał bě stawiznu Měrćin Wjenk. Ilustrował je ju Mathias Butendeich.
„Leonowa nowa pěstowarnja“ jedna wo małym hólčku Leonje, kiž je ze swójbnymi z města na wjes přićahnył. W nowej pěstowarni je za njeho wšitko hinaše, a spočatnje wón scyła do njeje chodźić njecha. Poněčim pak nańdźe tam nowych přećelow, a jemu so w nowej pěstowarni kóždy dźeń trochu lěpje lubi. Nowostku dóstanjeće w Budyskim RCW.
Wot minjeneje póndźele běchu pěstowarnje a šule w Sakskej ...
Wučbna nowostka
Budyšin (SN/JaW). Rěčny centrum WITAJ je zhromadnje ze zarjadom za šulu a kubłanje (LaSuB) wudał zběrku materialijow za serbsko-němske zakładne šule. Rjadowak, kotryž móža sej zajimcy w RCW wobstarać, wobsahuje planowanske přikłady, wuknjenske nadawki a dalše přidatne materialije k wšelakim temam za serbšćinu, matematiku a wěcnu wučbu. Zběrku su w dalokej měrje na wšelake rěčne niwowy wusměrili.
Z nowostku chcetej RCW a LaSuB zdobom nastorki za inowatiwnu dwurěčnu wučbu dawać, podpěrać swójske wuwučowanske kompetency kaž tež nowe a kreatiwne ideje pohonjeć.
Strowotniski zarjad rozsudźi
Zdźěłuja digitalnu lišču hońtwu
Šulerki a šulerjo Budyskeho Schilleroweho gymnazija wuwiwaja tuchwilu aplikaciju, z kotrejž hodźi so sprjewine město zabawnje a informatiwnje wotkryć. Gymnaziastam při tym poboku je mjez druhim Sakski wukubłanski a wupruwowanski kanal (SAEK).
Budyšin (SN/bn). „Měšćanska rallye na slědach Conrada Johannesa Käublera“ rěka w septembru zahajeny projekt, kotryž chcedźa gymnaziasća klětu spočatk januara zjawnosći prezentować. Planowana je app, wodźaca zajimcow ze šmóratkom po Budyšinje k wažnym žiwjenskim stacijam něhdyšeho měšćanosty. Z jaknymi tekstami, krótkimi widejemi, historiskimi wobrazami a zwukowymi přinoškami rozjimuja tam stawizny a zajimawostki wotpowědnych městnosćow. Tak budźe na přikład móžno, tworić sej z pomocu fotografijow zaćišć wo starym měšćanskim dźiwadle z Rietschelowymi swislemi a wo prěnim Serbskim domje na Lawskich hrjebjach – twarjeni to, kotrejž dźensa wjace njeeksistujetej.
Hońtwjerske róžki zaklinčeli
Wučbu koordinować wužadace
Koronawirus ma ludźi po wšej Němskej, tež w Budyskim a Zhorjelskim wokrjesu, dale w horšći. Mjeztym su zamołwići na wjacorych šulach natyknjenja z koronawirusom zwěsćili.
Budyšin (SN/JaW). Kaž zwjazk němskich wučerjow dźensa rano zdźěli, je aktualnje něhdźe 300 000 šulerkow a šulerkow w Němskej korony dla w karantenje a so na wučbje njewobdźěla. Před měsacomaj wučinješe jich ličba hišće 50 000. Tež nimale 30 000 wučerjow a wučerkow je po cyłym kraju aktualnje w karantenje, zwjazk informuje. W tym zwisku rěči jeho prezident Heinz-Peter Meidinger wo „salami-lockdownje“. Wón žada sej za Němsku „centralny přizjewjenski system po přikładźe Awstriskeje, hdźež šule aktualne ličby karantenow jasnje mjenuja“.
