Sport (20.12.24)
Choćebuženjo w Ingolstadźe
Načolnik třećeje koparskeje ligi Němskeje FC Energija Choćebuz hraje dźensa přećiwo FC Ingolstadt.
20.12. 19:00 FC Ingolstadt 04 –
FC Energija Choćebuz
21.12. 14:00 HZ Unterhaching –
Dynamo Drježdźany
Běhanje w Němskich Pazlicach
Lóštna akcija „Wotběhanje hodowneje husycy“ přewjedźe so w Němskich Pazlicach lětsa zaso po zwučenym wašnju kaž do pandemije na druhim hodownym swjatym dnju, 26. decembra, jako ludosportowy běh na čarje 5 kilometrow. 24. nakład započnje so w 10 hodź.
Jenčec patronka we Worklecach
We Worklečanskej sportowni přewjedźe so póndźelu, 30. decembra, wot 13 hodź. tradicionalny halowy koparski turněr gmejnskeho zwjazka CDU. Při 31. nakładźe hraje zaso cyłkownje wosom wjesnych teamow z Pěskec, Noweje Wjeski, Worklec, Chrósćic, Serbskich Pazlic kaž tež zakitowar pokala z Róžanta. Sportowe zarjadowanje sudźi Michał Neter ze zwjazkoweje ligi. Tohorunja přitomni budźa patronka Elaine Jenčec a prezident mjetarkow z Großröhrsdorfa Michael Theiß.
Nowolětne běhi we Wojerecach
Dwanatkarjo adwentny wolejbulowy miksturněr dobyli
Po dobyću abi-cupa přesadźichu so mikswolejbulisća 12. lětnika Serbskeho gymnazija Budyšin (SGB) tež při adwentnym turněrje w sportowni Budyskeho serbskeho šulskeho zetkawanskeho centruma (SŠZC) přećiwo dalšim štyrjom cyłkam.
Rjadowniske zetkanje
Budissa Budyšin woswjeći sobotu, 21. decembra, swoje 120lětne wobstaće, a to z wosebitym sportowym zarjadowanjom. W sportowej hali na Budyskim Třělnišću přewjedu 1. tradiciski turněr Budissy. Něhdyši a nětčiši hrajerjo nastupja wot 17 hodź. přećiwo sebi. Koparske cyłki wobsteja z hrajerjow, kotřiž su abo běchu wusko ze swojimi towarstwami zwjazani. Zaměr tradiciskeho turněra je, wožiwjenje historiskeje zwjazanosće mjez Budissu Budyšin a dalšimi regionalnymi tradiciskimi towarstwami. Při tym nima turněr jenož charakter sportoweho wubědźowanja, ale předewšěm rum za wuměnu něhdyšich akterow a wozrodźenje dopomnjenkow skićić. Za kóžde mustwo pomjenowa so hrajer jako kapitan, kiž bě za Budissu aktiwny. Zastup za turněr njehromadźa.
Wobdźělene cyłki: Biskopičanske KT, Serbska koparska wubranka, FC Hornja Łužica Neugersdorf, Wojerowski FC, Budissa Budyšin, Jendota Kamjenc a Póst Germania Budyšin. Jurij Bjeńš
Wobhladanja hódne sceny rědke byli
Starbulls Rosenheim –
Łužiske lodohokejowe liški 5:2
(2:1, 3:1, 0:0)
Běłowodźenjo podachu so na dołhu jězbu do Rosenheima. Ville Järwelainen, kiž w předsezonje hišće trikot Liškow nošeše, trjechi zahe 1:0. Fina dźeržeše bičk do přihrawki Tobiasa Becka a wodźeše tačel z tym wušiknje mjez nohomaj Anthony Morrone do wrotow (4.). Hosćo reagowachu a přinjesechu po tym wjace kontrole do hry a wurunachu přez wotfalšowanu třělwu Mateja Ledena njedźeržomnje k 1:1 (10.). Poł mjeńšiny do prěnjeje přestawki pak smědźachu so potom Rosenheimscy fanojo hišće raz wjeselić. Z hrajerjom wjac na lodźe třěli Lukas Laub puk wot boka do wrotoweho ruma, wot Morronoweje nohi wotskoči hrajny nastroj najprjedy na smykače Jeremyja Beaudryja a wottam přez wrotowu liniju (20.).
Tež w druhej třećinje běchu wobhladanja hódne hrajne sceny skerje rědke. W 25. min. přesadźi so Zack Dybowski ze spěšnym nastupom přećiwo Clarke Breitkreuzej a zapali tačel wótrje před wrota Liškow, hdźež přetwori Travis Ewanyk z krótkeje distancy k 3:1.
Winowatostny nadawk spjelnili
ST Kupoj-Nowa Łuka –
ST Viktoria Worklecy 0:3
(15:25, 16:25, 25:27)
Jasnišo njebychu předznamjenja do tutoho hrajneho dnja sakskeje klasy stafla wuchod lědma być móhli. ST Kupoj-Nowa Łuka, dotal bjez jeničkeho dypka, pohosći w sportowni Wojerowskeho Lessingoweho gymnazija wolejbulistow z Pirny a z Worklec.
Druhi tabulki z Łobjoweho doła wotpowědowaše w prěnjej hrě dnja swojej róli faworita a doby 0:3. Tež Worklečenjo startowachu jako jasny faworit do hry a běchu jara koncentrowani. Dwě seriji solidnych nadaćow pokazaštaj spěšnje na dobyće. Dospołnje přežadani domjacy prošachu při stawje 2:13 wo timeout, njemóžachu pak tež po tym hru zwjertnyć. Viktorianorojo wostachu stabilni a wuhrawachu nadběhi bjez zmylkow. Sadźbowy wuslědk 25:15 dokumentuje přewahu hosći.
Zasłužene domjace dobyće za Dynamo Drježdźan
Dynamo Drježdźany –
Waldhof Mannheim 2:1 (1:0)
Zestawa Dynama Drježdźany: Schreiber – Risch (66. Heise), Kubatta, Boeder, Sterner, Casar (66. Menzel), Šapina, N. Hauptmann (88. Bünning), Oehmichen (82. Meißner), Daferner (82. Kutschke), Lemmer
Zestawa Waldhof Mannheim: Bartels – Voelcke, Karbstein, M. Seegert (73. Yigit), Klünter, Rieckmann, Thalhammer (85. Arase), Benatelli (85. Kobylanski), Sietan (73. K. Okpalla), Abifade, Shipnoski (72. T. Boyd)
Druhe wolejbulowe mustwo muži Viktorije Worklecy je sobotu w domjacej ...
Wuslědki (17.12.24)
Kopańca, 3. liga
1. FC Energija Choćebuz 18 41 : 23 36
2. Dynamo Drježdźany 18 35 : 20 35
3. 1. FC Saarbrücken 18 24 : 18 31
4. Arminia Bielefeld 18 24 : 19 30
5. FC Ingolstadt 04 18 42 : 32 29
6. Sandhausen 18 29 : 26 27
7. Wehen Wiesbaden 18 30 : 32 27
8. Viktoria Köln 18 29 : 26 26
9. FC Rudne horiny Auer 18 28 : 33 26
10. Borussia Dortmund II 18 35 : 30 25
11. SC Verl 18 29 : 26 25
12. Hansa Rostock 18 24 : 22 25
13. TSV 1860 Mnichow 18 28 : 31 24
14. TSV Alem. Aachen 18 18 : 21 24
15. Waldhof Mannheim 18 19 : 23 20
16. VfB Stuttgart II 18 24 : 32 19
17. Hannover 96 U23 18 22 : 29 18
18. Čerwjeno-běli Essen 18 21 : 32 16
19. HZ Unterhaching 18 22 : 35 14
20. VfL Osnabrück 18 21 : 35 14
Hempel hru nawjedował
Prěnje mustwo Sokoła Ralbicy/Hórki hraješe njedawno we wokrjesnej wyšej lize w domjacym stadionje přećiwo mustwu z Němskich Pazlic. Wjac hač 150 přihladowarjow sej snadny duel wobhlada, kiž hosćo na kóncu 1:0 dobychu. Tón abo tamny pak bě sej na tutej njedźeli do Delan dojěł, zo by wukon sudnika posudźował. Tónraz wjedźeše mjenujcy profijowy sudnik partiju.
Richard Hempel z Drježdźan steješe na wonej soboće jako štwórty oficialny sudnik w Dortmundźe před 80 000 přihladowarjemi při liniji, dźeń po tym we wosmej lize na twjerdym hrajnišću Sokoła. Hra běše chětro horca, sudnik Hempel pak měješe wšitko pod kontrolu. To móže tež hrajer Sokoła Stani Šewc wopodstatnić: „Na kóždy pad bě pytnyć, zo steješe profijowy sudnik na hrajnišću. Wón bě přeco w komunikaciji z hrajerjemi, je tež raz pódlanske wěcy narěčał. Je wšitko cyle spěšnje rozsudźił. To bě jara suwereny wukon.“
Bamž zahaji Swjate lěto
Vatikan (B/SN). Patoržicu zahaji bamž Franciskus Swjate lěto, z tym zo portal před katedralu swjateho Pětra wotewri. Za jeje durjemi chowa so metalowy kašćik, w kotrymž su mjez druhim kluč za portal, wopismo a bamžowske medalje Franciskusa, Benedikta XVI. a Jana Pawoła II. Prěni raz su w romskim jastwje Rebibbia durje stajili, kotrež chce bamž 26. decembra jako znamjo nadźije za wšěch jatych na cyłym swěće wočinić.
Film wo hodownym oratoriju
Frankfurt n. M. (B/SN). Oratorij Johanna Sebastiana Bacha słuša ke kóždolětnemu hodownemu ritualej. Film, kotryž předstaja fiktiwne nastaće šěsć kantatow oratorija, wusyła ARD 18. decembra pod titulom „Bach – ein Weihnachtswunder“. „Bach zamóže ze swojej hudźbu strach, zadwělowanje, žedźbu, nadźiju a radosć budźić“, zwurazništaj producentaj Ernst Ludwig Ganzert a Mario Krebs.
Wo rólu žonow w cyrkwi šło
