W Smječkečanskim Domje swj. Jana nětko tež pčołarja

Smječkecy (AK/SN). Pčołki zalětuja wokoło swojich kołćow a pytaja we wokoline za cyrobu. „Móžemy je tule wšědnje derje wobkedźbować a přichadźamy rady sem“, měnja Georg Rosenthal, Manfred Stenzel a Brigita Ričlec na zahrodźe Smječkečanskeho Domu swjateho Jana za duchownje zbrašenych, kotryž je w nošerstwje Křesćanskeho socialneho skutka. Hromadźe z dalšimi wobydlerjemi woni wot lońšeho decembra na pčołarskim projekće sobu dźěłaja. Mjeztym je to za nich wšědny dźeń.