Što směmy poprawom hišće jěsć?

Donnerstag, 07. Februar 2019
Artikel bewerten
(0 Stimmen)
Tessa Rehberg z přikładom wuwaženeho zežiwjenja: štwórćina žitnych produktow, štwórćina nošerjow bělkowinow a dwě štwórćinje zeleniny. Foto: Carmen Schumann Tessa Rehberg z přikładom wuwaženeho zežiwjenja: štwórćina žitnych produktow, štwórćina nošerjow bělkowinow a dwě štwórćinje zeleniny. Foto: Carmen Schumann

Budyšin (CS/SN). Njewěstosć je wulka a mnozy so prašeja, što poprawom směmy hišće jěsć. Kompetentnje wotmołwi na to Drježdźanska poradźowarka za zežiwjenje Tessa Rehberg minjenu póndźelu na čitanju rjada „Budyska akademija“ na žurli statneje studijneje akademije Budyšin. Hnydom na spočatku wona lapidarnje­ rjekny, zo njech kóždy to jě, štož znjese. Přiwšěm pak je ličba aler­gikarjow a ludźi, kotřiž wěste žiwidła njeznjesu, w zašłych lětach přiběrała.

Alergije su „nadměrne reakcije imunostneho systema na poprawom nješkódne přirodne maćizny“. Často wustupitej rozdźělnej alergiji paralelnje. Tak reaguja na přikład na kćenjowy próšk brězy čućiwi tohorunja špatnje na sad. Potrjecheni měli tuž płody warić, dokelž horcota alergene rozpači. Tessa Rehberg w tym zwisku nimo toho wuzběhny, zo njeje sad zasadnje strowy, mnozy fruktozu njeznjesu. W tajkim padźe měli ludźo wjace zeleniny konsumować abo sad z njewobdźěłanym joghurtom kombinować. Industrielnje produkowane měšeńcy toho razu pak wona njeporuča.

Veröffentlicht in Socialne
Bitte anmelden, um einen Kommentar zu posten

Serbska debata

Neuheiten LND