W Swinjarni nastawa zhromadna praksa třoch serbskich babow
Swinjarnja (SN/MiR). Tři młode serbske baby maja ideju, kotraž je w Serbach dotal jónkrótna. Christina Smolina, Tereza Wokowa a Hanka Pawlikec wotewru bórze w Swinjarni zhromadnu praksu za přichodne a młode maćerje. To wšak žada sej dosć wulku zmužitosć. Wšako wola babow, wosebje na wsach praksy wotewrěć, skerje woteběra.
