Budyšin (SN). Prěni ćěkancy wójny na Ukrainje dla maja wot wčerawšeho swój přebytk we wokrjesu Budyšin. Połsta hłownje žonow, dźěći a młodostnych ­witachu w Budyskej wosadźe Jozuwy, hdźež su jich z jědźu zastarali a jim dalše pomocne poskitki rozłožili.

Wo přichadźe prěnich pomoc pytacych z nadpadnjeneho kraja rozprawja tež Christian Hoffmann, nowinski rěčnik Wojerowskeho měšćanskeho zarjadnistwa. Wosoby su mjez druhim přez priwatne styki do města přišli. Hromadźe ze swojim bydlenskim drustwom LebensRäume Wojerecy najprjedy 30 bydlenjow za ludźi z Ukrainy přewostaja.