Frankfurt n. M. (B/SN). „Agresije přećiwo křesćanam ze židowskeje strony w Swjatym kraju přeco husćišo dožiwjamy“, zwěsći Pierbattista Pizzaballa w Jerusalemje. Nimo werbalnych ranjenjow křesćanow napluwaja, wosebje tež ze stron dźěći. Arcybiskop Pizzaballa prosy mjezynarodne knježerstwa z Israelom wo tamnišim połoženju křesćanow rěčeć. Bamž chce arcybiskopa jako kardinala pomjenować, zo by domoródnych lěpje zastupować móhł.

Židowske kěrchowy

Berlin (B/SN). Rownišća su w židowstwje njedótkliwe. Tohodla so jich rowy ženje njezrunaja a znowa njewužiwaja, ale často zwostanu zarosćene. W Berlinje Weißensee je na přikład tajki wuznamny 42 hektarow wulki kěrchow. Wjace hač 115 000 ludźi je na nim pohrjebane, lětnje wokoło 30 wosobow. Tež spisowaćel Stefan Heym je tam pochowany.

Biblija w lochkej rěči