Krótkopowěsće (22.12.20)
Incidenca dale nad 600
Budyšin. Po kóncu tydźenja zwěsćichu w Budyskim wokrjesu wčera 90 dalšich koronainfekcijow, šěsć pacientow je wumrěło. Aktualnje schorjenych je 2 847 (-237), w klinikach lěkuja 158 (+5). Wo dźewjeć nowonatyknjenjach a 19 dalšich smjertnych padach informowaše póndźelu Zhorjelski wokrjes. Incidenca wučinja tam 634,68, w Budyskim wokrjesu 664.
Přiwozmu wopomnišćo w Swóńcy
Drježdźany. Załožba sakskich wopomnišćow prócuje so wo nošerstwo wopomnišća na česć woporow eutanazije w Swóńcy (Großschweidnitz), kaž je to jeje załožbowa rada minjeny pjatk wobzamknyła. Sakske knježerstwo ma krokej hišće přihłosować. Hromadźe z wopomnišćom Pirna-Sonnenstein nasta tak w mjenowanej załožbje fachowy zwjazk za přeslědźenje nacionalsocialistiskeje eutanazije a k wopominanju jeje woporow.
Akt přećiwo serbskej kulturje
Adwentnu wustajeńcu hakle klětu spřistupnja
Łaz (AK/SN). Historiske hudźbne instrumenty a kak su so wone w běhu časa wuwili a změnili, pokazuje lětuša adwentna wustajeńca we Łazowskim Domje Zejlerja a Smolerja. W nowembru běštej ju Veronika Sauer a Gabriele Knothe z předsydstwa spěchowanskeho towarstwa natwariłoj a wupyšiłoj. Wobě so nadźiještej, zo budźe přehladka kaž kóžde lěto wot prěnjeho adwenta přistupna. Lětsa pak tež we Łazu wšitko hinak běži. A tuž je zajimawa wustajeńca drje dospołnje natwarjena, ale wobhladać sej ju tuchwilu bohužel nichtó njemóže. „Ideju zrodźili smy w předsydstwje. W adwenće a hody so tola zhromadnje spěwa a hudźi. W mnohich swójbach je tale tradicija žiwa. To ma přehladka wotbłyšćować, tež hdyž stej a budźetej spěwanje a hudźenje lětsa jara wobmjezowanej“, zdychnje Veronika Sauer.
Policija (21.12.20)
Tójšto škody nastało
Budyšin. 12 000 eurow škody je wuslědk wobchadneho njezboža, kotrež je so předwčerawšim připołdnju w Budyšinje stało. Passat jědźeše po Paulijowej hasy ze směra Jägeroweje do směra na Jordanowu. Najskerje dokelž je słónco hłuboko stało a 31lětneho wodźerja awta slepiło, zhubi tón kontrolu nad swojim jězdźidłom a prasny na kromje dróhi do připowěšaka wosoboweho awta. Zranił so na zbožo nichtó njeje.
Na awtodróze parkował a spał
Połčnica. Awtodróhu A 4 je w nocy na sobotu wodźer wosoboweho awta typa Škoda najskerje z parkowanišćom zaměnił. Jeho jězdźidło napadny policiji na nabóčnym pasmje mjez wotbóčkomaj Połčnica a Ohorn. Jako zastojnicy awto kontrolowachu, wuhladachu w nim 26lětneho słowakskeho šofera, kiž tam spaše. Wubudźiwši jeho jemu rozłožichu, zo sej za wotpočink runje najkmańše městno wupytał njeje. Za to ma młody muž nětko z pokutu ličić.
Wotnětka zaso dlěje swětło
Kupjel 169 dnjow zawrjena
Najzašo 2022 budu twarić móc
Nowe rjadowanja wuskutkuja so na nowotwar Ralbičanskeje pěstowarnje
Ralbicy (JK/SN). Byrnjež planowany nowotwar Ralbičanskeje pěstowarnje na zašłym posedźenju gmejnskeje rady Ralbicy-Róžant na dnjowym porjedźe njestał, je tónle projekt přiwšěm najwažniša naležnosć, z kotrejž maja so delanscy radźićeljo wokomiknje rozestajeć. Tohodla sćěhowachu woni ćim bóle wuwjedźenja wjesnjanosty Hubertusa Ryćerja (CDU) a komornicy zarjadniskeho zwjazka Při Klóšterskej wodźe Franciski Čapikoweje.
Bjez spěchowanja ničo njeńdźe
Poslednje dny stareho a prěnje dny noweho lěta su na mnohich městnach składnosć, na dźěło zašłych měsacow zhladować. Serbske Nowiny rozhladuja so po dwurěčnych komunach, što su tam zdokonjeli.
Bukecy (CS/SN). Přirunujo ze zašłymi lětami su w Bukecach lětsa poměrnje mało do infrastrukturnych naprawow inwestowali. To je po słowach wjesnjanosty Norberta Wolfa (CDU) k tomu přinošowało, zo njeje gmejnski etat hižo w tak napjatym pjenježnym połoženju. Dokelž běchu někotre wulkoprojekty hižo wotzamknjene, koncentrowachu so předewšěm na planowanje přichodnych předewzaćow, a to stajnje z widom, zo za nje tež spěchowanske srědki dóstanu. Přetož, kaž wjesnjanosta Wolf podšmórnje, „bjez spěchowanja scyła ničo móžno njeje“.
W Smochčanskim kubłanišću swjateho Bena maja lětsa prěni króć ...
Rjaduja přepołoženje pacientow
Krótkopowěsće (21.12.20)
Z najwyšej pokutu pochłostany
Magdeburg. W procesu prawicarskoteroroweho nadpada w Halle nad Solawu dla je wyše krajne sudnistwo Naumburg wusud dźensa na krajnym sudnistwje w Magdeburgu wozjewiło. Wobskorženy Stephan Balliet je zasudźeny k jastwu na čas žiwjenja, čemuž přizamknje so wěstotna jatba. Nimo toho bě Naumburgske wyše sudnistwo wosebitu ćežkosć winy zwěsćiło.
Wšitke łoža wobsadźene
Budyšin. W Budyskim wokrjesu zwěsćichu wot pjatka hač do wčerawšeho 839 nowonatyknjenjow z koronawirusom. Dalšich 36 wosobow je zemrěło. W chorownjach wokrjesa je wot njedźele wšitke 40 łožow na intensiwnych stacijach z koronapacientami wobsadźenych. Krajnoradny zarjad je pjatk wjacore dźěłowe městna wobmjezowane na dobu pandemije wupisał, zo móhli kontakty lěpje sćěhować.
Sportowcy lěta 2020
