Na „Kofej w třoch“ do muzeja
Budyšin. Serbski muzej w Budyšinje přeprošuje srjedu, 26. měrca, w 15 hodź. na „Kofej w třoch“ wo temje „Swójbne slědźenje za započatkarjow“. Biskopstwo Drježdźany-Mišno je cyrkwinske knihi katolskich wosadow hač do lěta 1875 zjawnosći online spřistupniło. Nětko móže kóždy zajimc w katolskej Hornjej Łužicy za swójbnymi stawiznami slědźić. Na přikładźe swójskich rešeršow prezentuje referent Alexander Pólk přistup a wužiwanje zjawnych žórłow, pomocny grat za systematizowanje wuslědkow a tón abo tamny kuriozny zadźěwk při slědźenju.
Dalši casting za lěćne dźiwadło
Budyšin. Němsko-Serbske ludowe dźiwadło wuhotuje jutře, srjedu, dalši casting za lětušu inscenaciju pod hołym njebjom „Alice im Wunderland“. Wot 17 hodź. móža zajimcy w starobje znajmjeńša 18 lět we wulkim domje swoje rejowanske kmanosće předstajić. Wobknježić měli zakłady stilow modern dance, jazzowa reja a/abo neoklasiska technika. Proby zahaja so 28. apryla, předstajenja wotměja so wot 12. junija do 20. julija na Budyskim hrodźe. Přizjewjenja su z mailku na móžne.
Wudworčenjo w campje zwučowali
Swjedźeń 650. róčnicy wuhódnoćili
Smjerdźečanska wohnjowa wobora je hromadźe z wjesnej radu tydźenja sobotu wšitkich wjesnjanow do tamnišeho kulturneho domu přeprosyła. Wjace hač sto zajimcow je přeprošenje sćěhowało, zo bychu zhromadnje na wulki swjedźeń składnostnje 650. róčnicy prěnjeho naspomnjenja delanskeje wjeski zhladowali. Jón běchu kónca awgusta a spočatka septembra zašłeho lěta woswjećili.
Za wěsćiši a měrniši wobchad
W Rakecach planuja nowe rjadowanje dróhow na wobchadnym ćežišću
Rakecy (JK/SN). Křižowanišćo njedaloko Rakec, při zajězdźe do přemysłoweho parka na Jitkowskej dróze mnozy znaja a wědźa, zo je to wosebite wobchadne ćežišćo. Tam křižuja so wjacore dróhi a to w poměrnje njepřewidnych kutach. Za šoferow je to stajnje wjetše wužadanje a žada sej wosebitu kedźbnosć. Gmejna Rakecy je nětko na dobrym puću, hromadźe z Budyskim krajnoradnym zarjadom tute wobchadne ćežišćo znowa a wěsće rjadować.
Na minjenym posedźenju Rakečanskeje gmejnskeje rady su radźićeljo wjesnjanostu Swena Nowotneho (CDU) społnomócnili, dojednanje z Budyskim wokrjesom wo lěpšim rozrisanju wobchadneje situacije na tutym ćežišću podpisać.
Tójšto dróhotwarskich projektow
Runja mnohim gmejnam w Budyskim wokrjesu dyrbja tež w Kubšicach kóždy euro dwójce wobroćić, prjedy hač jón wudadźa. Najebać to chce gmejna lětsa wjacore projekty zwoprawdźić.
Kubšicy (UM/SN). Kaž hižo loni přewjedźe Budyski wokrjes tež lětsa zaso tójšto twarskich naprawow na dróhach Kubšiskeje gmejny. Na prěnim městnje steji wutwar wjesneje dróhi w Bošecach. Tam chcedźa dźěła na třećim a poslednim wotrězku mjez šulu a wuchodom wsy do směra na Kubšicy bórze zahajić. „Jako gmejna wobdźělimy so na kóštach za wotwódnjenje dróhi, za chódniki kaž tež za nadróžne wobswětlenje“, znazorni wjesnjanosta Olaf Reichert (njestronjan). Hač do kónca lěta maja dźěła na něhdźe kilometer dołhim puću přez wjes zakónčene być.
Po wukazu Sakskeje krajneje direkcije je wot 1. apryla łódźnistwo ...
Jerjowa hač k jutram zawrjena
Krótkopowěsće (25.03.25)
Wjac ćahow do stolicy
Budyšin. Wot spočatka apryla pojědźe na kóncach tydźenja wjace ćahow z Budyšina směr Drježdźany. Sobotu zasadźa jedyn přidatny, njedźelu samo štyri dalše ćahi. Tak zaruča zaměrowy zwjazk ZVON, zo kóždu hodźinu spěšny ćah do Biskopic a wottam dale do Drježdźan jědźe. Jězba wšak budźe dróša, dokelž zwjazk VVO płaćizny jězdźenkow wot 1. apryla wo něhdźe 6,9 procentow powyši.
Ze Zhorjelca do Würzburga
Zhorjelc. Dr. Daniel Morgenroth, intendant Gerharta Hauptmannoweho dźiwadła Zhorjelc-Žitawa, so „z wosobinskich přičin“ po štyrjoch lětach z Łužicu rozžohnuje. Po wčera wozjewjenej zdźělence nastupi Morgenroth wot hrajneje doby 2026/2027 intendantstwo dźiwadła Mainfranken we Würzburgu. Wotpowědny rozsud bě tamniša měšćanska rada hižo minjeny štwórtk wobkrućiła.
LEAG w čěskich rukach
Konop chowa w sebi rizika a potenciale
„Posłuchaj lěkarja, prjed hač jeho trjebaš!“, serbske přisłowo namołwja.
Tuž wěnuje so student mediciny Pětr Dźisławk znatym a mjenje znatym chorosćam, zo by je čitarjam trochu bliže rozłožował (66).
Před nimale lětom, dokładnje 1. apryla 2024, bu konop w Němskej zdźěla legalizowany. Aktualne studije Zwjazkoweje centrale za strowotniske rozswětlenje pokazuja, zo je konsum runje mjez młodostnymi a młodymi dorosćenymi wysoki. 8,3 procenty dwanaće- do 17lětnych su znajmjeńša jónu konop wuspytali. Pola 18- do 25lětnych wučinja podźěl samo 47,2 procentaj. W konopi nadeńdźeš wjace hač sto wšelakich cannabinoidow. Hłowna psychoaktiwna substanca je tetrahydrocannabinol, krótko THC. Tale maćizna so ze specielnymi receptorami w mozach zwjazuje a wobwliwuje centralny nerwowy system. To wjedźe k wopojenosći, euforiji a změnam zaznaća. Nimo THCja wobsahuje konop tež cannabidiol, krótko CBD. Tón njeskutkuje wopojacy, ale skerje wočerstwjacy.
