Domowina a sejm
Pokiwy (30.03.17)
Poradźuja na wikach
Kamjenc. Sobudźěłaćerjo Zhorjelskeje policajskeje direkcije poradźuja wot jutřišeho hač do njedźele wopytowarjow Kamjenskich předewzaćelskich wikow WIR. Tam móža so zajimcy wo wukubłanskich a powołanskich móžnosćach runje tak wobhonić kaž wo tym, kak měli swoje wobsydstwo najlěpje před paduchami a zadobywarjemi škitać.
Zetkaja so k rjedźenju
Wudwor. Nalětnje rjedźenje přewjedźe Worklečanska gmejnska skupina CDU kołowokoło wojerskeho pomnika we Wudworju. Na te wašnje chce do jutrow k porjeńšenju wsy přinošować. Wobydlerjo gmejny, předewšěm z Wudworja, su namołwjeni so zajutřišim sobotu, 1. apryla, w 9 hodź. při Wudworskim pomniku zetkać. Njech sej kóždy motyku, hrabje a dalši grat sobu přinjese.
Wobkuzłace zynki
Do kina (30.03.17)
30.3.2017–5.4.2017 Budyski filmowy palast: Ghost in the Shell wšědnje 17:15 (nimo nj) | nj 16:45 Ghost in the Shell w 3 D: wšědnje 20:00 | pj a so 22:30 Die Schlümpfe – Das verlorene Dorf: nj 14:30 Die Schlümpfe – Das verlorene Dorf w 3 D: nj 17:00 The Boss Baby: pj, so a wu 14:45 | nj 15:00 a 17:15 The Boss Baby w 3 D: wšědnje 17:00 (nimo nj) Die Häschenschule: pj, so, nj a wu 14:45 | nj 12:30 Life: wšědnje 19:30 (nimo pó) | pj 22:00 Kong – Skull Island: wšědnje 19:45 (nimo pj a so) | pj a so 22:15 Power Rangers: wšědnje 16:45 (nimo nj a pó) Die Schöne und das Biest w 3 D: wšědnje 17:15 (nimo nj) a 19:30 (nimo nj) | pj, so a wu 14:30 | nj 14:45, 17:30 a 20:00 | pj a so 22:15 Logan – The Wolverine: so 22:00 Fifty Shades of Grey: pj a so 19:45 Bibi & Tina: pj, so a wu 14:45 Vaiana: nj 12:30 Sing: nj 12:30 The LEGO Batman Movie: nj 12:30
Kino-ekstra: Manchester by the Sea: pó 17:15 a 20:15
Pokiwy (29.03.17)
Wubědźuja so w čitanju
Budyšin. Pod hesłom „Knihi su zastupny lisćik do raja fantazije“ zarjaduje Rěčny centrum WITAJ lětsa 13. raz čitanske wubědźowanje za šulerjow 3. lětnika. Najlěpši čitarjo wšitkich serbskich zakładnych šulow wubědźuja so sobotu, 1. apryla, wot 9 do 12 hodź. w dwěmaj rěčnymaj skupinomaj, a to w Budyskej Smolerjec kniharni. Šulerjo předstaja swoju najlubšu serbsku dźěćacu knihu a čitaja wurězk z njeje. Maćernorěčne dźěći čitaja hišće přidatnje njeznaty tekst. Jury jich wukony hódnoći a zwěsći najlěpšeho čitarja kóždeje skupiny. Zaměr wubědźowanja je, zo zeznaja šulerjo hižo sčasom bohatosć a rjanosć serbskeje dźěćaceje literatury.
Spominaja na zběžk
Budyšin. Na 67. róčnicu zběžka jatych w Budyskej „Žołtej bědźe“ spominaja ewangelska wosada swj. Pětra, Budyski komitej, Budyske wopomnišćo a město pjatk, 31. měrca, w 17 hodź. ze zhromadnej nutrnosću w tachantskej cyrkwi. Hižo w 16 hodź. přeproša wšitkich zajimowanych wobydlerjow na połoženje wěnca na Nuklacej hórce.
Při pomniku podźěłać
Pokiwy (28.03.17)
Wo šerjenju na kofeju
Budyšin. Tež lětsa organizuje Budyski Serbski muzej za swojich wopytowarjow kwartalnje „Kofej w třoch“. Prěnje tajke lětuše zetkanje wotměje so jutře, srjedu, w 15 hodź. w Serbskim muzeju. Sobudźěłaćer za muzejowu pedagogiku a zjawnostne dźěło Měrćin Brycka přednošuje wo Budyskim šerjenju z lěta 1684 a kak so wo nim we wšelakich chronikach rozprawja. Wobdźělenje płaći dwaj euraj přidatnje k zastupej. Zajimcy njech so při kasy přizjewja.
Akademija wo ludowej reji
Budyšin. Přichodne zarjadowanje Maćičneje akademije budźe štwórtk, 30. měrca, w 19.30 hodź. w Budyskim „Wjelbiku“. Tam přednošuje wědomostna sobudźěłaćerka Serbskeho instituta dr. Theresa Jacobsowa na temu „Serbska ludowa reja – imaterielne kulturne herbstwo“. Přednošk budźe w serbskej rěči, zastup je darmotny.
Warić z pyšnym kobołkom
Pokiwy (24.03.17)
Astronomiski dźeń
Budyšin. Budyska hwězdarnja na Čornobóskej 82 přeproša zajimcow jutře wot 14 do 22 hodź. na astronomiski dźeń, kotryž so po cyłej Němskej wotměje. Zarjadowanje steji lětsa pod hesłom „Widźenjahódne při słónčnej čarje“. W srjedźišću steja objekty podłu čary słónca, tak mjenowana ekliptika, kotruž móžemy wotdeleka wobkedźbować.
Zakónčacy koncert
Choćebuz. W Braniborskej je Choćebuz lětsa hosćićel krajneho wurisanja „Młodźina hudźi“. Něhdźe 300 młodych hudźbnikow so tam wubědźuje. Najlěpšich z nich móža zajimcy jutře w 19.30 hodź. we wulkim domje Choćebuskeho měšćanskeho dźiwadła dožiwić.
Rockowa nóc z kapału Topas
Kamjenc. Znata Kamjenska skupina Topas, kotraž je něhdy na zjawnych rejach ze Serbomaj Günterom Šwjentekom a Gabrielom Vacekom tež serbske štučki hrała, přeproša jutře wot 20 hodź. do Kamjenskeho bowlingoweho centera na zarjadowanje „40 lět Topas-live“. Tučasni hudźbnicy skupiny a dalši něhdyši hóstni hercy, kaž sobuzałožer skupiny Henry Rasch so na fanow wjesela.
Kuzło 1001 nocy
Hodźinu mjenje změje nóc wot soboty na njedźelu, dokelž započnje ...
Protyka (24.03.17)
Pjatk 24.3. 18:00 Rozmołwa w Budyskim hosćencu „Zum Echten“ wo přichodźe Koła serbskich spisowaćelow
19:30 Zhromadźizna Ralbičanskeho hońtwjerskeho drustwa w Ralbičanskim sportowym domje
Sobotu 25.3. a 26.3. Jutrowne wiki we Wojerowskej Łužiskej hali
9:00 Hłowna zhromadźizna Domowiny we Wojerecach
13:00 Debjenje jutrownych jejkow w Budyskim Serbskim muzeju
14:00 Debjenje jutrownych jejkow w Dešnjanskim domizniskim muzeju
15:00 Debjenje jutrownych jejkow w Slepjanskim SKC
17:00 Wotewrjenje ponowjeneje Worklečanskeje sportoweje hale
19:30 Předstajenje inscenacije „Za brězami“ na hłownym jewišću Budyskeho NSLDź
20:00 Kamjenska kapała Topas hraje w bowlingowym centeru Lessingoweho města
Njedźelu 26.3. 10:00 Jutrowne wiki w Drjowkowskej Serbskej tkalčerni
11:00 Dźeń wotewrjenych duri w ponowjenej Worklečanskej sportowni
11:15 Přednošk „Luther a reformacija w literaturje“ na Wojerowskim hrodźe
13:00 Debjenje jutrownych jejkow w Budyskim Serbskim muzeju
15:00 Wotewrjenje wustajeńcy „Pjeć lětstotkow – Serbja a reformacija“ w Budyskim Serbskim muzeju
16:00 Čitanje z Křesćanom Krawcom w Pěskečanskim sportowym domje
Rozhłós (24.03.17)
njedźelu hornjoserbsce
11:00 Łužica tutón tydźeń, mjez druhim wo wotewrjenju Worklečanskeje sportoweje hale
11:20 Z hłowneje a wólbneje zhromadźizny Domowiny
11:50 Nowa wustajeńca „Serbja a reformacija“
12:00 Nabožne wusyłanje
(Hans-Friedrich Fischer)
po tym zbožopřeća
delnjoserbsce
12:30 Aktualny magacin, mjez druhim wo hłownej a wólbnej zhromadźiznje Domowiny
13:00 Portret: Jill-Francis Ketlicojc
13:30 Nabožne wusyłanje
(Adelheid Dawmowa)
po tym zbožopřeća
Serbscy awtorojo na knižnych wikach
Lipsk (SN/CoR). Lipšćanski wobydlerski komitej přeproša jutře, 24. měrca, w 16 hodź. do wopomnišća Museum in der Runden Ecke am Dittrichring 24. Tam předstaji historikar dr. Timo Meškank w rozmołwje ze sakskim krajnym społnomócnjenym za podłožki stasi bywšeje NDR Lutz Rathenow knihu „Sorben im Blick der Staatssicherheit“.
Jutře, pjatk, w 20 hodź. wobdźěli so basnica Róža Domašcyna ze zběrku „Die dörfer unter wasser sind in deinem kopf beredt“ na čitanju njewotwisnych nakładnistwow w kofejowni hrajnišća Lindenfels Westflügel na Hähnelowej dróze 27.
Sobotu, 25. měrca, w 13 hodź. prezentujetaj LND a wudawaćel Jürgen Maćij zwjazkaj historiskich fotografijow z Hornjeje a Delnjeje Łužicy „Wotmolowane“, a to na forumje za wěcne knihi w hali 3, stejnišćo E201. Zarjadowanje moderěrować budźe kulturny historikar prof. dr. Bernd Lindner.
Sobotu wot 20.15 hodź. wobdźěla so mjez druhim Róža Domašcyna, Hanka Šołćic a Milan Hrabal na Lipšćanskej nocy přełožowarjow, kotraž budźe w nakładnistwje Leipziger Literaturverlag na Brockhausowej 56.
