Hižo dźesate lěto Alena Hiccyna z Wěteńcy za Radworskich křižerjow wěnčki wije. Lětsa su to štyri zelene, pjeć slěbornych a dwaj złotej. Ćichu sobotu rano wona wšitko spřihotuje, a wječor po poswjećenju wěnčki na swjatočnej Božej mši křižerjam rozdawaja. Bujneje myrty w staršiskim domje w Radworju dla je młoda žona z tym započała. Redakcija Serbskich Nowin a Ludowe nakład­nistwo Domowina přejetej wam wšěm wjesołe jutry. Přichodne wudaće SN dóstanjeće wutoru, 23. apryla. Foto: SN/Hanka Šěnec

Na folklornym festiwalu wustupi mjez druhim łužiska kult-skupina

Budyšin (SN/bn). Lětuši XIII. mjezynarodny folklorny festiwal „Łužica 2019“ nabywa dźeń a konkretnišeje formy. Po posedźenju přihotowanskeho wuběrka wčera tydźenja su wšitke wobdźělene skupiny wěste. „Jeničce detailowy časowy wotběh hišće jasny njeje. Wotpowědny plan w přichodnych dnjach nastajamy a potom wozjewimy. Tuchwilu njemóžemy hišće dokładnje rjec, štó hdy hdźe wustupi. To zaleži w prěnim rjedźe na tym, zo chcemy wopytowarjam festiwala po zwučenym wašnju zaručić, po móžnosći wšitke skupiny sej wobhladać móc. Za to trjebamy dalše informacije, kaž na přikład, kelko wuměłcow w jednotliwych ćělesach sobu skutkuje, kajke techniske wuměnjenja woni trjebaja, kak dołho jich přinoški traja a wězo tež, kotre opcije jězbne plany dowoleja“, za zjawnostne dźěło a koordinaciju přewodźerjow zamołwity Beno Šołta na naprašowanje Serbskich Nowin zdźěli.

dale čitać…
štw., 18. apryla 2019

Budyšin (SN/JaW). Dypkownje k jutram je Załožba za serbski lud digitalnu nowostku zjawnosći přepodała. Wot dźensnišeho je hosćom Budyšina móžno so z pomocu internetneho portala z mobilnymi nastrojemi po „serbskim“ Budy­šinje wodźić dać. Pod www.sorben-erleben.de móža zajimcy mjez pjeć čarami k serbskim drohoćinkam wolić a to k wosebitym ćežišćam, kaž na přikład serbska kultura, slědy serbskich stawiznow abo serbske institucije. „Integrowany mě­šćanski plan wjedźe hosći k wšelakim historiskim městnam, na kotrychž skutkowachu Serbja abo kotrež su přez lětdźesatki na wosebite wašnje ze serbskimi kulturnymi stawiznami zwjazane“, rěka­ w nowinskej zdźělence załožby.Zestajał a programěrował je wodźenja po sprjewinym měsće Budyšan Bosćij Bena­da. Fachowc turistiskeho marke­tinga a managementa je cyłkownje 44 historisce wuznamnych dypkow wupytał a trojorěčne – němske, hornjoserbske a jendźelske – teksty zestajił kaž tež z historiskimi a aktualnymi fotami wudospołnił. ...

štw., 18. apryla 2019

Kónctydźenska kopańca18.04. 17:45  ST 1922 Radwor –  TSV Połčnica18.04. 18:00  BFC Dynamo –  Biskopičanske KT18.04. 19:00  Germania Halberstadt –  Hornja Łuž. Neugersdorf20.04. 13:00  Germania Budyšin II –  ST Bart20.04. 15:00  Horni kraj-Sprjewja II –  TSV Wachau21.04. 14:00  Přećeljo sporta Lotte –  FC Energija Choćebuz22.04. 15:00  SJ Chrósćicy –  ST Drježdźany-StrěžinPo jutrach so pohibowaćNatwar Němske Pazlicy přeproša swójby, sportowče a sportowcow na nětko hižo­ tradicionalne wotběhanje jutrownych jejow, a to 22. apryla. Loni bě so na akciji 280 ludźi wobdźěliło, před lětomaj 180. Pjeć kilometrowske koło je za kóždeho zmištrujomne, wšako ma čara chětro płony profil. Start budźe w 10 hodź.Hižo tójšto přizjewjenjowSobotu, 20. apryla, přewjedu so 42. Biskopičanske běhi na dlěše distancy. Jednotliwe hłowne wurisanja su 4,5, 10 a 20 km. Předšulske dźěći a młódši šulerjo wubědźuja so na distancy 0,8 km. Start a cil budźetej při Biskopičanskim sta­dionje. Po swojim wašnju je to sobu na ...

štw., 18. apryla 2019

Mjeztym wosmy raz přewjedu jutry rano­ we Wuježku pola Bukec zaso­ starodawny serbski nałožk jutrowne­ho spěwanja na tamnišim Pawlikec statoku.Jutrowničku rano w šesćich zaklinča zwony na Bukečanskej cyrkwinej wěži. Druhdy je samo hač do Wuježka (Wuischke) słyšiš. W tym času su mjenujcy jutrowni spěwarjo w Bukečanskim wjesnym dźělu hižo dawno na nohomaj. Lěta 2012 su we Wuježku starodawny nałožk zaso wožiwili. Ze schadźenjom słónca swjeća tam zrowastanjenje Jezusa Chrystusa. Kaž je Wuježčan Mato Krygaŕ wuslědźił, běchu jutrowne spěwanje na dwěmaj wsomaj Bukečanskeje wosady hišće do 30tych lět minjeneho lětstotka pěstowali, w Žornosykach (Sornßig) a Čornjowje (Zschorna). Hižo rano w štyrjoch zanošowachu ludźo prěnje jutrowne kěrluše, po tym su skót picowali a do Bukec kemši šli. Po smjerći iniciatora Jana Awgusta Kerka je nałožk w Čornjowje zašoł.

štw., 18. apryla 2019

Slubjenja zwjazkoweho ministra za strowotnistwo Jensa Spahna (CDU) na popjelnej srjedźe su so wčera zwoprawdźili. Sakska statna ministerka za socialne Barbara Klepsch (CDU) bě sej do Budyskeje chorownje dojěła a ze zastupjerjemi klinikuma wo mediciniskim zastaranju a ćežach financowanja wukonow dla rěčała. Tež zapósłanc sakskeho krajneho sejma Marko Šiman (CDU, 3. wotl.) bě pódla. Foto: SN/Hanka Šěnec

štw., 18. apryla 2019

Wulkopjatkowne zamyslenjeBudyšin/Smochćicy. Do Budyskeho wopomnišća na Weigangowej přeproša Smochčanski Dom biskopa Bena na zamyslenje. Hósć budźe Christian Dertinger z Lipska, kiž bě sam politiski jaty w Budyšinje. Na hudźbne zamyslenje přeproša Dom biskopa Bena tohorunja wulki pjatk w 19.30 hodź. do Smochćic. Mjez druhim zaklinči „Stabat mater“ Fede­ly Fenarolija a „voces intimae“ Jeana Sibeliusa. Wječor wuhotuje ansambl Chordo-phone z hosćimi.Koncertaj w cyrkwiChróstawa. W Chróstawskej ewan­gelsko-lutherskej cyrkwi zaklinči jutře w 10.15 hodź. Johanna Sebastiana Bachowy Markusowy pasion. Na pišćelach hraje Reinhard Keiser. Jutrownu pón­dźelu, 22. apryla, budźe tam w 17 hodź. koncert za violoncello a pišćele. Hrajetaj Benjamin Arnold a Lucas Pohle.Na Erlichtec dwórRěčicy. Na Rěčičanskim Erlichtec dworje poskićeja dźěćom jutře we wobchodźe wot 10 hodź. plećenje korbikow. W dźiwadłowej bróžni wot 11 do 17 hodź. jejka debja. Jutrownu póndźelu hraja w bróžni wot 15 hodź. jutrowne dźiwadł ...

štw., 18. apryla 2019

Za wjetšinu křižerjow a jich pomocnikow je nětko horcy čas přihotow na jutrowne jěchanje. Na Zahrodnikec statoku w Chrósćicach je Feliks Zahrodnik hižo wčera konjej rjedźił. Wón budźe jutrońčku jedyn z chorhojnikow Chróšćanskeho křižerskeho procesiona. Foto: Feliks Haza

štw., 18. apryla 2019

Anett Pötschke poradźuje wužiwarjow swojich posłužbow doma w dobrej stwě – wosebity serwis mnohich wolóžaW Rakečanskim strowotniskim centrumje je sej Šešowčanka wobchod z małej dźěłarnju zarjadowała. Tak móža ludźo tež k njej přińć a swoje nawoči reparować dać. Stajnje pjatk, na dnju wikow, je wobchod wote­wrjeny.Kołowokoło Rakec je optikarka Anett Pötschke ze Šešowa ze swojim awtom po puću. Wona poda­wa so k wužiwarjam swojich posłužbow domoj, poradźuje jich, zwěsća z nastrojemi sylnosć widźenja a přiměrja wotpowědne nawoči. Tym, kotřiž mobilni njejsu, je poskitk­ 40lětneje wjac hač spomóžny a jich jara wolóža.Dołhi puć do wuspěšneje samostatnosće

štw., 18. apryla 2019

Cyril Pjech z Berlina wupraja swoje mysle­ k nastawkej w SN z 9. apryla „Tak žane bydlenje njenastanje“:Naše bydlenje w centrumje zapadneho Berlina słušeše mnohe lěta hudźbnikej, kiž bě dom wot swojeho nana zdźědźił a njewobhladowaše jón po wšěm zdaću jako móžnosć wuklukowanja ludźi. Skerje nawopak, jednoho dnja přińdźe blidar a rjekny, zo zatwari nam nowe durje na balkon – njeběchmy to skazali –, a podruž so njepowyši! Na to naš wob­sedźer dom předa, a nowy wobsedźer je podruž mjeztym dwójce zwyšił – kóždy raz wo 15 procentow. Wobnowił pak ničo njeje, hačrunjež je dom stary. Powyšenje je potajkim za noweho wobsedźerja ryzy profit. Wo tajki wšak wjetšim koncernam dźe, kotrež wobsedźa tysacy bydlenjow. A tajki koncern chce jenož profit a jón nihdy njepomjeńši, to by přećiwo zakonjam kapitalizma było. Kajki fantast je sakski ministerski prezident Michael Kretschmer (CDU), hdyž twjerdźi, zo so podruže zniža?

štw., 18. apryla 2019

Bosćan NawkaByrnjež jutře wulki, najskerje pak nic ćichi pjatk był, chcedźa šulerki a šulerjo znowa stawkować – hačrunjež swjateho dnja dla docyła šulu nimaja. Snano tónle fakt tomu polěkuje, wuwzaćnje zaso raz wo poprawnym wotmysle w tym nastupanju kedźbyhódnje wutrajnych dźěći a młodostnych rěčeć, město toho zo so wo tym diskutuje, hač woni na tele wašnje docyła protestować smědźa. Fenomen „Fridays for future“ eksemplarisce pokazuje, kak towaršnostny diskurs tele dny wjedźemy: Wobsahi zdadźa so přiběrajcy njetrjebawši balast być, ze strukturami a zwiskami so zaběrać je přenapinace, kompleksne temy zhusćimy na jakne hesła a hotowo!

štw., 18. apryla 2019

Zo rozprawjeja čěske medije tež wo po­dawkach we Łužicy, njeje ničo wulce njewšěd­ne. Zo pak wabi čěska nowina z cyłej stronu za serbski nałožk, je skerje njezwučene. Najstarši čěski dźenik Lidové Noviny, kotryž bu lěta 1893 załoženy a wuchadźa w nakładźe nimale 75 000 eksemplarow, wěnowaše so tak minjeny kónc tydźenja křižerstwu we Łužicy.Bedřich Hloušek rozkładuje, što so za jutrownym nałožkom chowa. Tak wu­jasnja zwisk mjez starodawnej tradiciju a našej maćeršćinu, za čož podawa so tež do stawiznow. Wobrazaj křižerjow z no­wšeho časa a historiske foto artikl sku­lojćeja. Zo bychu čitarjo wědźeli, hdźe měli sej w Němskej dojěć, je na karće hrubje woznamjenjene, hdźe Hornja ­Łužica leži. Za wšitke dźewjeć křižerskich procesionow podawa Hloušek časy a městnosće wot- a dojěchanja.

štw., 18. apryla 2019

Bratislava (SŽ/K/SN). Njewočakowane wuwiće w najwjetšim kriminalnym padźe Słowakskeje: Nastupajo zamordo­wanje přepytowaceho nowinarja Jána Kuciaka a jeho přećelki Martíny Kušniroveje su dotal něhdyšeho policista To­máša Szaba za skućićela měli. Nětko pak so kriminalistam-přepytowarjam něhdyši wojak Miroslav Marček wuzna, zo bě wón wobeju zatřělił. To piše Dennik N, powołacy so na sćelak RTVS. Dennik N mjenuje Marčekove přiznaće „překwapjacy wokomik“. Dotal wobhladowachu Marčeka jako šofera awta, z kotrymž je mordarja wozył. Oficialnje pak tale wersija donětka njebu wobkrućena.Do zamordowanja Kuciaka a Kušniroveje je pjeć wosobow zaplećenych: Marček, Szabó, Alena Zsuzsová, Zoltán Andruskó a předewzaćel Marian Kočner. Za poměrnje wěste so ma, zo bě Kočner – wón je druheho delikta dla w přepytowanskej jatbje – nadawk k zamordowanju Kuciaka dał. Wo nim bě nowinar rešeršował a w swojich přinoškach jeho zwiski z italskej mafiju wotkrył. Kuciakej hrožeše Kočner na to wospjet telefonisce z „w ...

nawěšk

nowostki LND