Pokiwaj (11.10.16)
Wo mytiskich bytosćach
Choćebuz. „Pórod powěsćow – Sagengeburten“ rěka nowa wustajeńca, kotruž wotewru štwórtk, 13. oktobra, w 19 hodź. w Choćebuskim Serbskim domje. Lubinčanka Monika Schubert předstaja, kak je so we wolijowych mólbach ze serbskimi mytiskimi bytosćemi rozestajała.
Premjera w Dźiwadle na hrodźe
Budyšin. Sobotu, 15. oktobra, w 19.30 hodź. budźe w Budyskim Dźiwadle na hrodźe premjera inscenacije „Do dźěła zdar!“. Měrana Cušcyna je wot Guntera Antraka spisanu hru přełožiła. Pola Šmitec mandźelskeju wjerći so swět hinak wokoło, druhdy tróšku prěki a podłu, potom zaso nawopak.
Pokiwaj (10.10.16)
Přihotowanski kurs
Kamjenc. W Kamjencu zahaji so srjedu, 12. oktobra, přihotowanski kurs k čestnohamtskemu přewodźenju ćežkochorych a mrějacych. Jón přewjedźe ambulantna hospicna słužba Carity w swojim Kamjenskim zetkawanskim centrumje na Dróze jednoty 2. Zakładny kurs wotměje so wot 12. oktobra do 9. nowembra, natwarjacy wot 8. měrca do 5. apryla 2017. Dalše informacije zhonja zajimcy wot Bernwarda Kreutzkama w Domje Carity, Haydnowa čisło 8, w Kamjencu. Telefonowe čisło je (03578) 37 43 12.
Stawizny wokoło wohenja
Hórnikecy. W Hórnikečanskej energijowej fabrice wotměje so sobotu, 15. oktobra, swójbny swjedźeń. Hosći wočakuja stawizny dokoławokoło wohenja a briketow, stareho rjemjesła „k přimnjenju a sobu činjenju“. Zarjadowanje wotměje so w času wot 13 do 20 hodź., hdźež móža wopytowarjo tež z draisinu sobu jěć. Wjeršk budźe wohenjowy spektakl, kotryž so w 19 hodź. započnje.
Protyka (07.10.16)
Pjatk 7.10. 19:00 „Das Laster der Worte“ – čitanje na Jakubecec twjerdźiznje w Mortkowje (tež 8. oktobra)
Sobotu 8. a 9.10. 38. ADAC-motocross w Jaworje
9:00 Rybarski swjedźeń při starym haće we Wysokej pola Wóslinka
10:00 Rybarski swjedźeń w Klětnom
10:00 Žnjowodźakny a kermušny swjedźeń w Koćinskim zawodźe Krabatowy mlokowy swět
19:00 Nazymski koncert z Wólbernosćemi w Lejnjanskim Kubicec hosćencu
19:30 Wobkuzłaca klasika SLA w Smochčanskej cyrkwi
20:00 Party němsko-serbskeho přećelstwa w Konjecach
Njedźelu 9.10. 10:00 Domchowanka ze sadowej bursu na Rěčičanskim Erlichtec dworje
10:00 Nazymski swjedźeń na rybarskim dworje w Małym Holešowje
15:00 Wotewrjenje wustajeńcy „Wotmolowane – Historiske fotografije ze serbskeje Łužicy“ w Budyskim Serbskim muzeju
14:30 Kofejpiće a nazymski koncert z chórom Budyšin w Njebjelčanskej „Bjesadźe“
16:00 Swójbny koncert „Chórowa proba“ na žurli Budyskeho SLA
Póndźelu 10. do 14.10. Medijowa akademija Serbskeho rozhłosa a SAEK w Budyšinje
10:00 Klankodźiwadło Budyskeho NSLDź: „Ferkel, hunčo a prosetko“ w Njebjelčanskej pěstowarni
Pokiwy (07.10.16)
Na kermušne wiki
Koćina. W Krabatowym mlokowym swěće wotměja so jutře, 8. oktobra, wot 10 hodź. tradicionalne kermušne wiki. Při tym wjerći so wšitko wokoło běrnow-nepli-kulkow. Hač do 17 hodź. móža wopytowarjo wšelake družiny woptać, sej speciality z tychle płodow zesłodźeć dać a samo myta dobyć. Nimo toho pokazaja čłonojo Spalowskeho domizniskeho towarstwa, kak běchu něhdy běrny žnjeli. Na wikach prezentuja ratarjo a rjemjeslnicy swoje wudźěłki, kotrež móžeš sej tam kupić.
Přednošk a koncert
Lejno. W Lejnjanskim hosćencu „K lipje“ je jutře w 19 hodź. wosebity nazymski koncert. Spominać chcedźa tam čłonojo Zwjazka serbskich rjemjeslnikow a předewzaćelow, Domowinjenjo Budyskeje župy a dalši na Jana Arnošta Smolerja. Zawodny přednošk wo žiwjenju a skutkowanju serbskeho wótčinca změje dr. Fabian Kaulfürst. Přizamknje so koncert ze skupinu Wólbernosće. Programej přizamknje so zabawny wječor.
Nazymski swjedźeń
Štóž njeje hišće Jana Mikana, Istvána Kobjelu, Mariana Bulanka a ...
Rozhłós (07.10.16)
Njedźelu, hornjoserbsce
11:00 Łužica tutón tydźeń, mj. dr. wo nazymskich koncertach
11:20 Pisany swět – interkulturne tydźenje
11:45 Nowy semester na Lipšćanskim Instituće za sorabistiku
12:00 Nabožne wusyłanje
(Clemens Hrjehor)
po tym zbožopřeća
delnjoserbsce
12:30 Aktualny magacin, mj. dr. wo serbskich slědach w Berlinje
13:00 Domowinarka z ćěłom a dušu: Inga Nowakowa
13:30 Nabožne wusyłanje
(Madlena Norbergowa)
po tym zbožopřeća
Pokiwaj (06.10.16)
Jutře na kermušne reje
Sulšecy. W Kulowskej wosadźe tónle kónc tydźenja kermušu swjeća. K tomu wuhotuja jutře, pjatk, kermušne reje w Sulšečanskim kulturnym domje. Započatk je w 19 hodź. z programom Přezpólnych, po tym pokazaja młodostni, što su na rejwanskim kursu nawuknyli. Po tym budu reje ze Symanom Donatom. Wšitcy su wutrobnje přeprošeni.
Poskitk za prózdniny
Budyšin. Wutoru, 11., a štwórtk, 13. oktobra, stajnje wot 13 do 14.30 hodź. poskića Budyski Serbski muzej paslenske zarjadowanje za dźěći. Z pomocu předłohow chcedźa póstniske a dalše maski tworić a je pomolować. Wobdźělenje płaći na wosobu 1,50 eurow. Znajmjeńša štyrjo zajimcy měli so wobdźělić.
Do kina (06.10.16)
6.10.–12.10.2016 Budyski filmowy palast: Sausage Party – Es geht um die Wurst: wšědnje 20:00 | pj a so 22:30 Die Insel der besonderen Kinder: wšědnje 17:15 Die Insel der besonderen Kinder w 3 D: wšědnje 20:00 Findet Dorie: wšědnje 13:15, 15:30 a 17:45 | nj 11:00 | srj 10:15 Findet Dorie w 3 D: wšědnje 15:45.18:00 a 20:15 | pj a so 22:30 | srj 10:00 Bad Moms: wšědnje 20:00 (nimo pó) | pó 15:00 | so 22:15 SMS für dich: wšědnje 17:45 (nimo pó) Elliot, der Drache: srj 10:00 | nj 11:00 | štw, so, pó a srj 13:00 | pj, nj a wu 15:00 Die glorreichen Sieben: pj a so 22:00 Tschick: wšědnje 13:15 (nimo pó) Don’t Breathe: pj 22:15 Pets: wu 10:00 a 10:15 | pj, nj a wu 13:00 | štw, so, pó a srj 15:00 Pets w 3 D: štw, so, pó a srj 13:30 Ice Age – Kollision voraus: štw, so a wu 15:30 | pó 13:00 Ice Age – Kollision voraus w 3 D: pj, nj a wu 13:30 Conni & Co.: pj, nj a srj 15:30 | srj 10:15 | nj 11:00
Kino-ekstra: Erlösung – Flaschenpost von P: pó 17:15 a 20:15
Wobkuzłaca klasika
Pokiwy (05.10.16)
Premjera z Jurjom Kochom
Budyšin. Štwórtk, 6. oktobra, su zajimcy w 19.30 hodź. do Budyskeje Smolerjec kniharnje na knižnu premjeru „Windrad auf dem Dach“ z awtorom Jurjom Kochom přeprošeni. W druhim zwjazku swojich žiwjenskich dopomnjenkow wěnuje so w Hórkach rodźeny spisowaćel podawkam z časa swojeje młodosće. Tak wón mjez druhim wopisuje, kak je jako šuler z Budyšina na nowu šulu w Cho- ćebuzu šoł.
Předstaji nowu knihu
Slepo. Swoju knihu „Sorbische Interessen und staatliche Minderheitenpolitik in der DDR“ předstaji awtor dr. Pětš Šurman štwórtk, 6. oktobra, w 16 hodź. w Slepjanskim Serbskim kulturnym centrumje. Čitar dóstanje dohlad do zwoprawdźenja Serbskeho zakonja a do poměra stata k serbskim zajimam.
