Wiki črjódy ludźi přićahowali Empfehlung

Montag, 31. März 2025
Artikel bewerten
(0 Stimmen)
Na lětušich knižnych wikach je Benedikt Dyrlich (naprawo) ze swojeje knihi „Serpowe dny. Sicheltage“ čitał. Nimo toho móžachu so zajimcy z awtorom tež na stejnišću Ludoweho nakładnistwa Domowina rozmołwjeć a sej knihi signować dać. Nimo Dyrlicha čitaše tež Uwe Hentschela ze swojeje w LND wušłeje publikacije.  Foto: Carmen Schumann Na lětušich knižnych wikach je Benedikt Dyrlich (naprawo) ze swojeje knihi „Serpowe dny. Sicheltage“ čitał. Nimo toho móžachu so zajimcy z awtorom tež na stejnišću Ludoweho nakładnistwa Domowina rozmołwjeć a sej knihi signować dać. Nimo Dyrlicha čitaše tež Uwe Hentschela ze swojeje w LND wušłeje publikacije. Foto: Carmen Schumann

Wuspěšne knižne wiki za łužiske nakładnistwa w Lipsku so skónčili

Lipsk (CS/SN/bn). Nimale 296 000 wopytowarjow – 13 000 wjace hač loni – zličichu wot minjeneho štwórtka do wčerawšeje njedźele na Lipšćanskich knižnych wikach. Na stejnišćach něhdźe 2 000 wustajerjow z 45 krajow su so zajimcy rozhladowali a čitanjam, diskusijam kaž tež knižnym prezentacijam sćěhowali.

Lawreaća Knižnych mytow Lipšćanskich knižnych wikow su němska romansjejka Kristine Bilkau (beletristika), ruska awtorka Irina Rastorgujewa (wěcna kniha/esejistika) a Thomas Weiler z Čorneho lěsa (přełožk); lawreat Lipšćanskeho knižneho myta za europske dorozumjenje je běłoruski spisowaćel Alhierd Bacharewič. „Je wulkotnje, kelko euforije kniha zbudźa a kak zamóže ludźi hromadu wjesć. Jako městnosć zetkanjow, rozmołwow a wotkryćow zaběraja wiki centralnu rólu w Němskej, na přikład nastupajo temy kaž kumštnu inteligencu a awdijo, kotrymž smy nowe formaty wěnowali. Wulki zajim pokazuje, kak wažne analogne dožiwjenje přeco hišće je“, zjima direktorka Astrid Böhmisch.

Veröffentlicht in Kultura
Bitte anmelden, um einen Kommentar zu posten

Chróšćan Šulerjo

Neuheiten LND