Prawa wotmołwa na derbyjowu plajtu
SJ Njebjelčicy
– ST Großharthau 4:0 (3:0)
Zestawa domjacych: Matješk – Kral, Deleńk, Pawlik (16. Dubaw), Šołta, Hanuza, Cyž (80. Čornak), Hrjehor, Hommel, Haška, Hoelzel (58. Janca)
Po bolostnej poražce tydźenja w susodnym derbyju w Němskich Pazlicach je so mustwo trenarjow Detlefa Panica a Handrija Krawčika mócnje stopnjowało. Wot wšeho spočatka běchu Njebjelčanscy hrajerjo chětro hibićiwi na hrajnišću, połni energije a z dobrej bojownosću w partiji. Přeco zaso startowaše Njebjelčan cyłk strašne nadběhi a stłóči přećiwnika daloko do swójskeje połojcy. W 17. min. přeběža Jurij Haška na lěwej stronje a połoži bul wróćo. Wottam docpě Tadej Cyž z niskej třělwu nawjedowanje k 1:0. Mjeńšinu po tym přesadźi so Haška znowa před přećiwniskej klětku. Jeho před wrota zběhnjeny bul zhłójčkowa Pawoł Hrjehor přez wrotarja k 2:0 do syće. Prjed hač so poł hodźiny miny, wobdari so Jurij Haška sam za swój dobry wukon a docpě po rjanym soloběhu z niskej třělwu nětko wšo rozsudne 3:0 (27.). Do změny zjewichu so Njebjelčenjo z dalšimi rjanymi nadběhami před hóstnej klětku.
Wuslědki (14.04.16)
Wokrjesna koparska liga, stafla III
Großröhrsdorf II – Hlinowc 4:1 (2:0)
Großdrebnitz – Wóslink/Ska. 2:1 (0:0)
Njebjelčicy – Großharthau 4:0 (3:0)
Haselbachtal – Němske Pazlicy 1:4 (1:2)
1. Ottendorf/Liegau 18 44 : 17 44
2. Frankenthal 18 54 : 27 43
3. Großnaundorf 19 54 : 29 36
4. Arnsdorf 19 46 : 22 35
5. Marijina hwězda 19 64 : 38 33
6. Großröhrsdorf II 20 38 : 27 33
7. Sepicy 18 53 : 42 31
8. Njebjelčicy 18 37 : 28 28
9. Haselbachtal 19 43 : 48 26
10. Němske Pazlicy 18 26 : 38 21
11. Hlinowc 18 28 : 45 16
12. Großdrebnitz 19 19 : 73 10
13. Wóslink/Skaskow 20 23 : 58 8
14. Großharthau 17 17 : 54 8
Wokrjesna koparska liga, stafla I
Hnašecy II – Radwor1:4 (0:1)
Póst Budyšin II – Porchow 1:4 (0:1)
Załom – ST Budyšin0:2 (0:0)
Hodźij – Wóspork3:0 (1:0)
Mały Wjelkow – Wjernarjecy 1:3 (0:2)
1. ST Budyšin 20 61 : 26 50
2. HZ Budestecy 21 63 : 35 43
3. Malešecy 20 58 : 33 43
4. Kubšicy 19 42 : 22 35
5. Załom 20 52 : 26 34
6. Radwor 21 51 : 26 33
7. Wjazońca 21 45 : 49 31
8. Porchow 21 48 : 57 26
Serbscy pedagogojo druhe městno skrućili
Njewšědny to wukónc druheho hrajneho dnja wučerskeje volleyballoweje ligi Budyskeho wokrjesa w Lubiju. Kombinowany cyłk 5. SŠ-eks/Melanchthonowy gymnazij Budyšin přesadźi so w načolnej partiji přećiwo kolegam Serbskeho gymnazija Budyšin dwójce z 25:23, ale w druhej sadźbje z dwělomnym rozsudom sudnika.
Team Handrija Šewca (naprawo) doby sobotu we Worklečanskej ...
20. volleyballowa sezona zakónčena
Křesćan Bejmak hru rozsudźił
Sokoł Ralbicy/Hórki II
– FSV Šćeńca 1956 6:1 (1:1)
Zestawa Sokoła: Cyž – Bogusz, Měškank (60. Krawc), Zynda, Matka, Rawš (46. Kurjat), Młynk, Čornak, Jakubaš, Bejmak, Kobalc
Přećiwo poslednjemu tabulki chcychu Sokoljo wězo dobyć a tak wotstawk powjetšić. Zestawa mustwa běše so znowa změniła. Z Młynkom, Rawšom, Bejmakom a nazhonitym Jakubašom mějachu pak Ralbičenjo dosć dobrych ofensiwnych hrajerjow. Z napřećiwnym wětřikom měješe hosćićel najprjedy swoju lubu nuzu a dyrbješe samo přećiwniske wrota přijimować. W hrajnym natwarje so bul zhubi a nastatu dźěru w škiće hosćo zymnokrejnje wužichu (12.). Wotmołwa pak njeda dołho na so čakać. Młynk posłuži z krasnej přihrawku Bejmaka, kotryž přeběža a nisko k 1:1 přetwori (17.). Dalše wrota wón zapasy, jako chcyše na Jakubaša wothrać, tola to běše wopačny rozsud. Z dobreje pozicije dyrbješe njesebičnje sam wotzamknyć (39.). Jakubaš drje docpě krótko do połčasa rjane wrota z pjatu, tola pobóčna sudniča spózna nimohru.
Sprawne dźělenje dypkow
SV Hnašecy/Dobruša
– Sokoł Ralbicy/Hórki 1:1 (1:0)
Zestawa hosći: Gloxyn – Matka, S. Bjeńš, B. Bjeńš, Korjeńk, Šewc, Wałda (46. Lulak), Šołta, Bejmak, Domaška, G. Kurjat (71. M. Kurjat)
Wonkownu hru dobyli
ST Módró-běli Njeswačidło
– Sokoł Ralbicy/Hórki II 0:1 (0:1)
Zestawa hosći: Cyž – M. Matka, Bjeńš, Bogusz, Kobalc, Zynda, Krawc, Čornak, Šrajer, Šwejda, J. Matka
19. raz su volleyballisća Žołto-módrych Kulow sobotu wječor wot ...
Sylny druhi połčas hosći
ST Hnašecy/Dobruša II
– ST 1922 Radwor 1:4 (0:1)
Zestawa hosći: Bauer – Henke, Buša, B. Sćapan, Šram (84. P. Sćapan), von Karwin, Nuk, Zähr, Wjenka (69. Schulze), Abdullah Omran, Winar
Kaž hižo tydźenja falowaše pola hosći Wróbl we wrotach. Šěrak, zastupjer Wróbla, běše sej zašły tydźeń ruku złamał, a tuž přewza Bauer funkciju wrotarja. Hišće do hrě namołwješe trenar Pětr Bejmak swojich chowancow, zo bychu wosebje z niskimi třělwami a spěšnymi nadběhami wotzamknjenje pytali. To pak so hosćom spočatnje njezešlachći. Domjacy stejachu jara wysoko, zdźěla zakitowachu jenož něšto metrow wot srjedźneje linije zdaleni. Jako Radworčenjo to pytnychu, wusměrichu hru hłownje na dołhe a diagonalne bule přez křidła. Tak wuhrachu sej tež spěšnje wjacore strašne nadběhi. Dwójce Winar a jónu Nuk sadźichu bul snadnje na łatu. Přiwšěm pak běchu nadběhi Radworskich hrajerjow cyłkownje přesłabe. W 41. min nasta potom skónčnje jónu dobry nadběh, kotryž bu hač do kónca wuhraty. Buša pósła z dołhim bulom Winarja, tutón přinjese bul z hłowu na wrota, a nadobo w klětce domjacych zaklinka.
