Planowanska wěstota zmóžnja so na dźěłowe wobsahi koncentrować

Podstupim (SN/JaW). Załožba za serbski lud ma wurunany etat za lěto 2017. Na swojim wčerawšim nazymskim wuradźowanju w Podstupimje je jeje rada klětuši hospodarski plan wobzamknyła. Spěchowanje serbskich institucijow kaž tež wot załožby spěchowanych projektow je tuž zaručene, rěka ze stron załožby.

Cyłkownje změje Załožba za serbski lud po třećim financowanskim zrěčenju 18,6 milionow eurow hač do 2020 lětnje k dispoziciji. Spěchowanje Zwjazka wučinja 9,3 miliony, Kraja Braniborskeje 3,1 milion a Swobodneho stata Sakskeje 6,2 milionaj eurow.