Serbska koparska wubranka młodźiny D hrała
Serbska koparska wubranka młodźiny D nastupi zašłu srjedu w Njebjelčicach přećiwo mustwu Drježdźanskeho Gymnazija Ehrenfrieda Walthera von Tschirnhausa. Tak je lětsa hižo druhi raz na hrajnišću stała. W februarje běchu so serbske koparki a serbscy koparjo mjenujcy hižo w hali prezentowali a na Kamjenskim Galandcupje druhe městno wobsadźili. Tam je tež kontakt k Drježdźanskim koparjam nastał. Wot loni dóstawa Serbski Sokoł za dorostowe dźěło podpěru z fondsa „Čiń sobu!“.