Tuttlingen (B/SN). „Wot 2,5 miliardow křesćanow na swěće je 300 milionow, wosebje w Chinje a hinduistiskej Indiskej, přesćěhanych,“ praji něhdyši zapósłanc Němskeho zwjazkoweho sejma Volker Kauder katolskej powěsćerni. W našim kraju pak zwěsća wón přiběracu intolerancu druhim nabožinam napřećo. K nabožinskej swobodźe słuša tež dowolnosć, mošeje twarić.“

Noweho biskopa zapokazali

Osnabrück (dpa/SN). Na Božej mši z wjace hač 1 000 kemšerjemi zapokazachu wčera noweho biskopa Dominicusa Meiera w Osnabrücku. Na kemšach přepoda jemu pósłanc bamža w Němskej arcybiskop Nikola Eterovic pomjenowanske wopismo. Po tym posydny so Meier na stólc biskopa. Z tutym symboliskim aktom ma biskopstwo 18 měsacow po tym zo bě něhdyši biskop Franz-Josef ­Bode wotstupił zaso nawodu.

Čestnohamtske dźěło přiznać