ST 1922 Radwor – ST Traktor Malešecy 3:0 (1:0)
Zestawa domjacych: Grenzemann – Reineke, Jendrewski, Šěrak, Wjeńka, Glücklich, Johannes Wjacławk (73. Seiler), Pječak, Nuk, Schulze (90. Hetaš), Wróbl (88. Šnajder)
zestawa hosći: Haupt – Wegehaupt, Tietze (46. Seiler), Swakon, Schmidt, Günther, Benad, Hennersdorf, Becker, Winter, Bolz
Při prawym aprylskim wjedrje bě njedźelu něhdźe 150 přiwisnikow kopańcy do Radworskeho sportoweho centruma přichwatało. Tam wotmě so duel mjez prěnim a třećim wokrjesneje ligi, stafle 2. Domjace mustwo dyrbješe tutu hru dobyć, zo by dypkowy wotstawk ke kontrahentej dale wobstał a so samo wutwarił. Wšitke statistiki do duela wěšćachu dobyće Radworskeho mustwa. Dotal doma ani jeničku hru přěhrali njejsu. A přijimować dyrbjachu jenož jedne přećiwniske wrota. Cyłk z Malešec pak njesměš ženje podhódnoćić, wosebje, hdyž steji w zestawje mjeno nadběhowarja Marca Benada.
