SJ Njebjelčicy II – Sokoł Ralbicy/Hórki II 1:6 (1:2)
Zestawa Njebjelčic: Wićaz – Łušćanski, Reinelt, Šram, M. Kral (37. A. Kral), Čornak, Rösiger (18. Reinecke), R. Cyž (75. Wagner), Schaaf, D. Cyž, Bergmann
Zestawa Ralbicy: T. Cyž – Statnik, Wałda, F. Bejmak, Šewc, E. Šołta (35. Wowčerk), Kobalc, Janca, Zimmermann (35. F. Bejma), Kurjat, Buder
Přihoty na mały serbski derby w Njebjelčicach spjelnichu tójšto klišejow najnišeje ligi. Tute znaješ mjenujcy hewak jenož z interneta. Prěni klišej: Sudnik njenastupi respektiwnje njebě docyła postajeny. Što nětko? Krótkodobnje na Jana Hrjehorja zwonichu. Róžeńčan, kotryž słuša jako sudnik stareje koparskeje gardy Sokoła do rjadow Ralbičanow, so zwólniwy wupraji hru nawjedować.
