House a překwapjenka

Budyšin. Na „progresiwny a melodiski house“ specializowany DJ JayTe chce dźensa, pjatk, wopytowarjam Budyskeje bary „Sundowner“ pod Röhrscheidtowej baštu „prawy start do kónca tydźenja“ wobradźić. Jutře wuhotuja na samsnym městnje znowa wotewrjene jewišćo za wšitkich za (spontane) hudźenje zajimowanych kaž tež z „překwapjacym hosćom“. Wobě zarjadowani stej zdarma přistupnej a započnjetej so we 18 hodź.

Zynki „złotych lět“ we Wjelkowje

Mały Wjelkow. Skupina Krambambuli zakónči zajutřišim, njedźelu, lětuši rjad „Koncerty na zahrodźe“ Małowjelkowskeje sotrownje. W 14 hodź. zahraja Drježdźanscy hercy měšeńcu swinga, musettow, tanga, jazza a dalšich hudźbnych stilow z ćežišćom zynkow 1920tych a 1930tych lět. Zastup je darmotny, šćedriwe pjenježne dary pak so njewotpokazuja. Dźeń pozdźišo wuhotuja w 14 hodź. na samsnym městnje dalšu awkciju na dobro sotrownje. Wospjet „přińdu njewšědny mobiliar a skurilne accessoiry z historiskich prózdninskich apartmentow pod hamor“.

Kemše k zazběhej šulskeho lěta