„Astronomija w piwnicy“

Wojerecy. Astronomiske towarstwo Wojerecy prezentuje dźensa, pjatk, přednošk w něhdyšim hosćencu „Wódny muž“ blisko Konrada Zusoweho kompjuteroweho muzeja ZCOM. Pod nadpismom „Astronomija w piwnicy“ chce Thomas Hensel zajimcam „wo slědźenju w podzemskim laborje“ rozprawić, kajkiž bu na přikład w něhdyšim składowanišću lodu Drježdźanskeho piwowara Felsenkeller wutworjeny. Zarjadowanje započnje so w 19 hodź., zastup płaći 3,50 eurow resp. potuńšeny 1,50 eurow.

Strategiske impulsy za hudźbu

Choćebuz. Hudźbny redaktor Gregor Kliem a Daniel Häfner z Łužiskeho instituta přeprošataj jutře, sobotu, na zetkanje syće Nowa Serbska hudźba. Wot 11 hodź. chcetaj w Choćebuskim Serbskim instituće z wopytowarjemi „móžne přichodne puće w delnjoserbskej hudźbnej scenje“ rozjimać. Zaměr je mjez druhim, Serbskemu rozhłosej „strategiske impulsy nastupajo produkciju nowych titulow“ sposrědkować, wobswětlujo w tym zwisku „centralnu rólu awtorow a přełožowarjow tekstow“.

Barok we wustawnej cyrkwi