Sport (16.04.21)
Dynamo na cilowej čarje
Dynamo Drježdźany, načolnik třećeje koparskeje ligi Němskeje, ma před cilom hišće sydom dypkowych hrow. W tabulce ma mustwo dypk předskoka na FC Hansa Rostock a FC Ingolstadt.
17.04. 14:00 Dynamo Drježdźany –
MSV Duisburg
20.04. 19:00 KFC Uerdingen –
Dynamo Drježdźany
24.04. 14:00 Dynamo Drježdźany –
Halleski FC
04.05. 19:00 SC Verl –
Dynamo Drježdźany
08.05. 14:00 Dynamo Drježdźany –
Viktoria Köln
15.05. 14:00 Dynamo Drježdźany –
Türkgücü Mnichow
22.05. 13:30 SV Wehen Wiesbaden –
Dynamo Drježdźany
DSC před rozsudnej hru
Wolejbulistki Drježdźanskeho SC su prěnjej wot maksimalnje pjeć hrow wo němske wolejbulowe mišterstwa přećiwo cyłkej Allianz MTV Stuttgart z 0:3 a 2:3 přěhrali. Finalnu seriju přewjedu w modusu best-of-five. Mustwo, kotrež je tři z pjeć partijow dobyło, je němski mišter. Jutře by za Drježdźanjanki hižo kónc być móhło, jeli wone třeću partiju njedobudu.
17.04. 16:30 Drježdźanski SC –
Allianz MTV Stuttgart
21.04. 18:00 Allianz MTV Stuttgart –
Drježdźanski SC
24.04. 14:00 Drježdźanski SC –
Allianz MTV Stuttgart
Wodoskijowe campy
Norwegska dominowała
Wčera bě na sportowej stronje hižo přehlad wo cyłkownym hódnoćenju swětoweho biatlonoweho cupa w disciplinomaj jednotliwcy: 15 km žony a 20 km mužojo. To zajimawe na tym bě, zo zaměstni so Ingrid Landmark Tandrevold (NOR) jako najlěpša Norwegčanka jenož na 11. městnje. Na sprintowymaj distancomaj, kotrejž stej dźensa tule wozjewjenej, wupada to zaso hinak. Wobě je Norwegska dominowała. Přewjedli běchu w sezonje 2020/2021 cyłkownje dźesać sprintowych wubědźowanjow, a to dwě w finskim Kontiolahtiju, dwě w awstriskim Hochfilzenje, dwě w němskim Oberhofje, jedne w słowjenskej Pokljuce, dwě w čěskim Nowym Měsće na Moravě a jedne w šwedskim Östersundźe.
Sprintowa distanca, 7,5 km žony
1. Tiril Eckhoff (NOR) 420
2. Marte Olsbu Røiseland (NOR) 304
3. Hanna Öberg (SWE) 296
4. Dorothea Wierer (ITA) 282
5. Anais Chevalier-Bouchet (FRA) 280
6. Dźinara Alimbekawa (BLR) 274
7. Franziska Preuß (GER) 267
8. Lisa Theresa Hauser (AUT) 256
9. Denise Herrmann (GER) 238
10. Ingrid Landmark Tandrevold (NOR) 236
11. Markéta Davidová (CZE) 224
12. Elvira Öberg (SWE) 220
13. Justine Braisaz-Bouchet (FRA) 209
14. Lisa Vittozzi (ITA) 206
15. Linn Persson (SWE) 177
16. Julija Dźima (UKR) 166
17. Hanna Sola (BLR) 155
Koparska sezona zakónčena
Zajim hižo raz wjetši był
Wot lěta 2006 do 2014 bě narodne koparske mustwo Němskeje přeco zaso wutroby přiwisnikow kulowateje kože hrěło. W minjenych lětach pak je so nalada chětro změniła. Wosebje wukony a rozsudy trenarja Joachima Löwa mnohich mjerzaja. Jurij Bjeńš je so raz mjez serbskimi koparjemi a fanami naprašował, kajke widźa woni šansy za němskich koparjow na lětušich europskich mišterstwach a koho maja za naslědnika na trenarskej poziciji. Nimo toho chcyše wot naprašowanych wědźeć, hač drje sej scyła hišće němskich koparjow w telewizoru wobhladaja.
Wustojni Budyscy atleća něhdy a dźensa(1. dźěl)
Najwuspěšniši sportowcy z Budyskeho wulkowokrjesa w dobrym połlětstotku na olympiadach
Steffi Walter
Rjadowane po medaljach ma so sankowarka Steffi Walter jako prěnja Budyska olympiadnica mjenować. W rudnohórskim Lauteru pola Aue rodźena Steffi Martin běše w šuli a w sportowym zjednoćenstwje Dynamo Lauter wuspěšna. Jako spěšnosněhakowarka Traktora Oberwiesenthal bu wona w lětomaj 1983 a 1985 swětowa mišterka a 1986 wudoby sej w bosniskim Sarajewje olympiske złoto w spěšnosankowanju. Po tym so wuda a přećahny do Budyšina. 1988 zwaži so Steffi Walter hišće raz na olympiski start. Měsacy dołho je z Trabijom z Budyšina do Oberwiesenthala trenować jězdźiła. A to so tež wudani: W kanadiskim Calgaryju wubědźi sej znowa złotu medalju! Swójba přesydli so do Wulkeje Dubrawy, hdźež dźěłaše Steffi Walter na to jako fyzioterapeutka. Lěta 2017 wona po krótkej ćežkej chorosći zemrě.
Udo Wagner
Italčanka a Awstričanka na čole dołheje distancy žonow
Do jutrow je Kilian Hrjehor na tutym městnje hižo raz přehlad wo cyłkownym hódnoćenju swětoweho cupa w sportowej družinje biatlon dał. Nětko slěduja wot njeho přehlady jednotliwych disciplinow. Započatk tworitej cyłkownej hódnoćeni na distancy jednotliwcow: 15 km žony a 20 km mužojo. Při tym napadnje, zo njedominujetej na čarje za žony Norwegska abo Francoska. Tam stejitej zhromadnje na prěnim městnje Awstričanka Lisa Theresa Hauser a Italčanka Dorothea Wierer.
Cyłkowne hódnoćenja swětowych cupow 2020/2021
Jednotliwcy, 15 km žony
1. Lisa Theresa Hauser (AUT) 103
1. Dorothea Wierer (ITA) 103
3. Hanna Öberg (SWE) 90
4. Julija Dźima (UKR) 85
5. Markéta Davidová (CZE) 80
6. Denise Herrmann (GER) 80
7. Anais Chevalier-Bouchet (FRA) 80
8. Swjetlana Mironowa (RUS) 76
9. Dźinara Alimbekawa (BLR) 68
10. Linn Persson (SWE) 66
11. Ingrid Landmark Tandrevold (NOR)61
12. Anais Bescond (FRA) 61
13. Franziska Preuß (GER) 59
14. Uljana Kajšewa (RUS) 58
15. Dunja Zdouc (AUT) 58
16. Julia Schwaiger (AUT) 55
17. Larisa Kuklina (RUS) 54
18. Elvira Öberg (SWE) 49
19. Johanna Skottheim (SWE) 48
20. Lena Häcki (SUI) 47
21. Emma Lunder (CAN) 47
22. Jewgenija Pawlowa (RUS) 46
23. Janina Hettich (GER) 45
24. Irene Cadurisch (CAN) 45
25. Monika Hojnisz-Starega (POL) 45
Widźał, słyšał, napisał (13.04.21)
Na polu sporta dale a bóle wobkedźbujemy, zo so žony do poslednich muskich domenow zadobywaja. Tak startuja na runinje wysokeho wukonoweho sporta w disciplinach, kotrež běchu lětdźesatki dołho jenož mužam přewostajene. K tomu słušeja sportowe družiny ze sylnymi ćělnymi kontaktami, kaž american football abo lodohokej, bojowe družiny z Dalokeho ranja, kaž taekwondo abo karate, ale tež ekstremne pruwowanja wutrajnosće, kaž pjećkrótne triatlonowe wubědźowanje Ironman, a dalše. Z tymle fenomenom so wědomostnicy hižo něšto lět zaběraja, wo čimž čitach tele dny na internetowej stronje Zwjazkoweho instituta za sportowe wědomosće (BISp) pod titulom „Muski sport za žony z wida wědomosće“. Tam pytaja za wotmołwami na prašenje, čehodla so dźeń a wjace žonow za tajke sportowe discipliny rozsudźa, kotry wužitk z toho maja a tež, kajke wopory dyrbja za to přinjesć. Slědźerski projekt, kotremuž dachu mjeno „Muski sport – žónska identita“, spyta tele wuwiće wujasnić.
Wuslědki (13.04.21)
Wuslědki a tabulki Němskeje lodohokejoweje ligi (DEL)
hłowne koło DEL
Krefeldske pinguiny – Nürnberg 0:3
Iserlohn Roosters – Straubing Tigers 0:5
Düsseldorf – Worjoły Mannheim 2:3
Red Bull Mnichow – Bremerhaven 6:2
Augsburgske pantery – Wolfsburg 1:4
Schwenningen – Běłe mjedwj. Berlin 4:2
ERC Ingolstadt – Kölnske žrawcy 3:2
Mannheim – Běłe mjedwjedźe Berlin 1:4
Straubing Tigers – Kölnske žrawcy 3:5
Augsburgske pantery – Iserlohn 2:5
skupina-sewjer
1. (3.) Běłe mjedwjedźe Berlin 35 73
2. (4.) Pinguins Bremerhaven 34 61
3. (9.) Iserlohn Roosters 33 48
4. (6.) Grizzlys Wolfsburg 34 49
5. (8.) Düsseldorfer EG 34 48
6. (12.) Kölnske žrawcy 35 46
7. (14.) Krefeldske pinguiny 34 15
skupina-juh
1. (1.) Worjoły Mannheim 35 79
2. (2.) EHC Red Bull Mnichow 34 70
3. (5.) ERC Ingolstadt 33 57
4. (7.) Straubing Tigers 34 47
5. (10.) Schwenninger Wild Wings 34 46
6. (11.) Augsburgske pantery 35 44
7. (13.) Nürnberg Ice Tigers 34 34
hłowne koło DEL 2
1. (1.) Kassel Huskies 49 112
2. (2.) Tölzske lawy 50 92
3. (3.) EHC Freiburg 49 89
4. (4.) Bietigheim Steelers 49 89
5. (5.) Lawy Frankfurt 49 87
6. (6.) ESV Kaufbeuren 50 80
7. (7.) Ravensburg Towerstars 50 72
8. (8.) Sokoły Heilbronn 49 68
9. (9.) LP Crimmitschau 49 66
10. (10.) EC Bad Nauheim 49 60
11. (11.) EV Landshut 50 60
12. (12.) Łužiske liški 50 58
13. (13.) LL Drježdźany 49 56
14. (14.) EHC Bayreuth Tigers 50 49
Sezona dočasnje zakónčena
Hłowne koło DEL 2 njebudźe hižo dohrate
Zamołwići a oficialni druheje Němskeje ligi w lodohokeju (DEL2) su so minjeny štwórtk dojednali hišće běžacu sezonu dočasnje zakónčić. Přičina za to je situacija kołowokoło koronapandemije.
Dale a wjace hrajerjow a čłonow někotrych mustwow je so minjene dny z wirusom natyknyło, tak zo dyrbjachu do karanteny. Kónčna tabulka zestaji so nětko z pomocu kwocientneho prawidła wšěch hratych hrow hač do 8. apryla 2021. To rěka, zo dypki přez hry diwiděruja. Při samsnym kwocienće liči potom diferenca třělenych a přećiwniskich wrotow. Za playoff-hry so wosom najlěpšich mustwow kwalifikuje. Hdy tele partije přewjedu, njeje hišće jasne.
Dobyće duši wosebje tyło
Lodowi piraća Crimmitschau – Liški Běła Woda 3:4 (1:0, 2:3, 0:1)
Po někotrych poražkach w minjenych hrach wopušćichu Łužiske liški lodowu płoninu zaso raz jako dobyćer. A potom hišće w derbyju! To bě za hrajerjow a wosebje přiwisnikow módro-žołtych wažne dobyće, byrnjež w tutej sezonje hladajo na tabulku wjac ničo docpěć njemóhli. Domjacy nastupichu w njezwučenych militarnych trikotach, dokelž chcychu na padnjenych němskich policistow a wojakow spominać. Do wrotow hosći nawróći so zaso Mac Carruth, štož mustwu chětro tyješe, wšako zaso raz njesměrnje derje dźeržeše a tak běše wón hromadźe z Luisom Rentschom muž dnja.
W prěnjej třećinje mějachu domjacy wjac wot hry a dźěchu tež zasłužbnje z 1:0 do prěnjeje přestawki. Zapadni Saksojo třělachu husćišo na wrota a tak poradźi so jim w 14. min. nawjedowanje.
