FC Energija zaso trenuje
To drje bě zašły tydźeń najprjedy raz mała kročel po puću k normaliće. Po njedźelnym koronatesće podachu so koparjo FC Energije Choćebuz póndźelu na trening w Stadionje přećelstwa. Mjez nimi bě tež Iven Löffler, kiž běše so na prěnim treningu w sezonje 2020/2021, loni 11. julija, na kolenje zranił. Prěni raz sedźeše U19-hrajer Energije w kabinje prěnjeho mustwa: „Za mnje bě to ćežke prěnje połlěto, sym pak dołhu treningowu přestawku z wjele běhami intensiwnje wužiwał. Nětko so nadźijam, zo so skónčnje porjadnje w kadrje muži zažiwju.“
Před wrotami dale njeefektiwni
Lodowe lawy Drježdźany – Łužiske liški 1:0 po podlěšenju (0:0, 0:0, 0:0, 1:0)
Štóž so dobyća Běłowodźanskich lodohokejowych liškow nadźija, tón njeje minjeny čas přehusto dobru naladu měł. Minjeny pjatk wječor pokazachu Hornjołužičenjo w sakskej stolicy nimale cyły čas wjac hač jenož dobry lodohokej. Woni běchu hosćićelej runohódni, jeli nic samo lěpši. Ale čim bóle so jeho wrotam bližachu, ćim njestrašnišo agěrowachu. A jako dyrbješe bjezwrotowy duel do podlěšenja (overtime), njejsu hrajerjo z Běłeje Wody najlěpše šansy wužiwali a dyrbjachu po konteru domjacych samo wrota přijimać. Wrotar Mac Carruth bě w situaciji „štyrjo přećiwo dwěmaj“ bjezmócny, a tak móžachu sej Lodowe lawy přidatny dypk wuwojować. Prěnju hiobowu powěsć dósta trenar Łužiskich liškow hižo do hry. Tophrajer Rylan Schwartz njemóžeše so zranjenja dla na hrě wobdźělić. Za to je krótkodobnje Nino Kinder wupomhał. A runje tón měješe jenož někotre sekundy do kónčneje sireny regularneho časa wulku składnosć, wrota dnja docpěć a tak hosćom dwaj dypkaj zaručić.
W regionalnej koparskej lize přestawka do kónca februara
Dźěłowa skupina Sewjerowuchodneho koparskeho zwjazka (NOFV) „Kak dale w regionalnej lize“ je we widejowej konferency w januarje rozsudźiła, zo w regionalnej lize Sewjerowuchod znajmjeńša hač do 28. februara žane hry njebudu.
„Winowatostne dypkowe hry w februarje 2021 wokomiknje zamołwić njemóžemy!“, komentowaše Uwe Dietrich, předsyda hrajneho wuběrka NOFV. Koparski zwjazk drje chce ručež móžno dypkowe hry zaso dowolić, dyrbi pak so přeco znowa pozicioněrować.
Předsyda FC Energije Choćebuz Sebastian Lemke so postajenja dla njedźiwa: „Sprawnje! Tajke rozsudy tola nikoho njezadźiwaja. Hladamy-li na aktualne pandemijowe połoženje w Němskej a specielnje we wokrjesu Sprjewja-Nysa a w Choćebuzu, njejsu docyła hinak rozsudźić móhli. Wšo druhe njeby so zamołwić hodźało, tež hdyž chcedźa naši hólcy wězo kopańcu hrać a zhromadnje trenować.“ Georg Zielonkowski
Widźał, słyšał, napisał (01.02.21)
Zyma, tójšto sněha a niske temperatury su za susodne kraje kaž Čěsku, Pólsku abo Awstrisku samozrozumliwe. Nětko, po wjacorych lětach abstinency, mamy tež pola nas skónčnje zaso raz wjedro, kotrež je w mjenowanych kónčinach w zymje přeco móžne. A to wšo w času, hdyž blišu wokolinu wopušćić njemóžemy abo njesměmy. Štož móžemy jako tróšt hódnoćić, je wobsedźerjam prózdninskich domicilow w sněhowych arealach wězo wulka katastrofa. Turisća faluja a z nimi dochody, přichod je njewěsty. Wliw na dalše wuwiće pak nimamy. Na zbožo móžach knihowany dowol hišće storněrować.
Wuslědki (01.02.21)
Lodohokej DEL2
EHC Freiburg – Sokoły Heilbronn 3:4
Tölzske Lawy – Ravensburg Towerst. 1:4
Bad Nauheim – Bietigheim Steelers 2:6
Łužiske liški – Bayreuth Tigers 1:3
LP Crimmitschau – EV Landshut 4:2
ESV Kaufbeuren – LL Drježdźany 1:4
Lawy Frankfurt – EC Kassel Huskies2:1
Sport (29.01.21)
Přichodna hra hakle wutoru
Wolejbulistki Drježdźanskeho SC hraja w prěnjej zwjazkowej lize zaso wutoru, 2. februara, a to w domjacej Margon-arenje. Tónle kónc tydźenja wšak trjebaja wone přestawku po srjedownišej poražce 1:3 přećiwo mustwu Galatasaray Istanbul w CEV-cupje. Wolejbulowe duele na zwjazkowej runinje pokazuja pak w telewiziji SPORT1 abo jako livestream pod www.sporttotal.tv.
02.02. 19:00 Drježdźanski SC – VfB Suhl Lotto Durinska
06.02. 17:30 Drježdźanski SC – Ladies in black Aachen
24.02. 18:00 Allianz MTV Stuttgart – Drježdźanski SC
Hižo nětko so přizjewić
Zamołwići Sportoweho kluba Wojerecy su přizjewjenske wokno za lětuši 28. bičwolejbulowy turněr při Slěbornym jězoru wotewrěli. Hrać ma so 24. a 25. julija we Łazu při campingownišću Slěborny jězor – Łužica. We wupisanju mjez druhim steji, zo maja cyłkownje 60 městnow za měšane wolejbulowe mustwa. W kóždym měło cyłkownje maksimalnje wosom hrajerkow a hrajerjow być. Na hrajnišću hibać pak budu so potom zasadnje dwě bičwolejbulistce a dwaj bičwolejbulistaj. Sudnika staji při turněrje kóžde mustwo same.
Dźensa znowa derby za Liški
Sport (28.01.21)
Koparske tabulki Braniborskeje
2. wokrjesna klasa Južna Braniborska-juh
1. Zeleno-běli Annahütte II 7 19 : 12 15
2. Złokomorowski FC II 5 18 : 6 12
3. ST 1892 Carny Gózd 6 18 : 13 12
4. HZ Rólany II/Wudwor II 4 15 : 8 9
5. ST Zeleny Gózd 6 12 : 14 7
6. Módro-běli Sedlišćo 4 13 : 11 5
7. HZ Hóznja/Kóšyna II 7 21 : 38 4
8. VfB Klěśišća II 5 5 : 19 0
2. wokrjesna klasa Južna Braniborska-zapad
1. Dobrjoług-Góstkow II 4 20 : 3 12
2. HZ Stechau/Sliwin III 5 10 : 6 8
3. FC Sängerstadt II 4 11 : 4 7
4. HZ Kolochau/
Malitschkendorf II 5 18 : 13 7
5. Linde Schönewalde II 4 13 : 12 5
6. HZ Kolochau/
Malitschkendorf 5 11 : 8 4
7. Zeleno-běli Thalberg 5 0 : 37 1
Koparski dorost w Braniborskej
młodźina B, wokrjesna liga Južna Braniborska
1. HZ Grabin 6 60 : 16 16
2. JFV Sängerstadtregion 7 20 : 7 15
3. TSG Lubnjow 65 9 36 : 23 14
4. ST Rań 7 23 : 11 12
5. HZ 1. ST Lok Kalawa/
ST Kalawa/Wětošow 8 32 : 22 12
6. Brjazki-Zły Komorow II 9 28 : 24 12
7. VfB Lubuš 1912 8 23 : 18 10
8. VfB Herzberg 68 7 15 : 18 10
9. Germania Rólany 7 18 : 52 3
10. Módro-běli Möglenz 5 1 : 29 0
11. SG Gießmannsdorf 6 18 : 54 0
12. Empor Mühlberg o.W. 5 0 : 0 0
młodźina C, wokrjesna liga Južna Braniborska, stafla A
1. HZ Grabin 5 36 : 6 12
2. FC Schradenland 6 20 : 15 10
3. HZ Sokolnica/Uebigau 6 23 : 21 10
4. VfB Lubuš 1912 3 16 : 7 9
5. JFV Sängerstadtregion 5 15 : 9 9
6. ST Prusojo Wikow 4 6 : 19 3
7. TST 1878 Sliwin 3 2 : 19 0
8. Bad Liebenw./Möglenz 4 3 : 25 0
młodźina C, wokrjesna liga Južna Braniborska, stafla B
1. Brjazki-Zły Komorow II 4 28 : 6 12
2. ST Rań 5 33 : 9 9
3. FC Łuchow 5 32 : 12 9
Runohódnu partiju wysoko přěhrali
Lawy Frankfurt – Łužiske liški Běła Woda 6:1 (1:0, 2:0, 3:1)
Dwaj dnjej po wurjadnym dobyću přećiwo EC Bad Nauheimej podachu so chowancy trenarja Correyja Neilsona, lodohokejowe Łužiske liški z Běłeje Wody, do Frankfurta nad Mohanom. Dokelž jim Nick Walters a Fabian Dietz pobrachowaštaj, mějachu woni jara ćežki nadawk, sej w Hessenskej dypki wubědźić.
W prěnich mjeńšinach bě partija wurunana. Mnoho šansow sej wobaj teamaj njewuhraštaj, a bě-li před wrotami strašne, so wrotarjej wuznamjeništaj. Po 13 mjeńšinach dyrbješe hrajer Liškow prěni raz na chłostansku ławku, štož domjacy lesćiwje k nawjedowanju wužichu.
Tež w Radworju trjebaja pomoc staršich a aktiwnych hrajerjow
Loni kónc lěta běštej tu prěnjej přinoškaj Tadeja Cyža wozjewjenej. Dorostowymaj trenarjomaj Jurjej Bjeńšej wot Sokoła Ralbicy/Hórki a Clemensej Škodźe wot Sportoweho towarstwa Marijina hwězda bě Njebjelčan pjeć jenakich prašenjow stajił. Dźensa wotmołwja na nje Chrystof Šěrak, kopar Radworskeho sportoweho towarstwa.
Zaso je přestawka w amaterskim sporće. Kak z njej we wašim towarstwje wobchadźeće?
Ch. Šěrak: Je wězo škoda, zo njejsu tónraz žane halowe turněry. Tež naš domjacy w Radworju njemóžemy přewjesć. Tón bě wosebje za dźěći a młodźinu rjany event w zymskej přestawce. Halowa kopańca je předewšěm techniku nastupajo wulki dobytk młodym koparjam. Sportnišćo kaž tež hala w Radworju stej tuchwilu wězo zawrjenej. Za mnje wosobinsce to rěka, zo mam trochu wjac chwile so studijej wěnować. Ale kopańca mi runje tak pobrachuje kaž wšěm tamnym našeho towarstwa.
Kotre kmanosće a kajkosće dyrbi wustojny dorostowy trenar měć? Što je w treningu z dźěćimi wažne?
Viktoria w koronapřestawce
| čisło | mjeno | pozicija | wulkosć | staroba |
| 1 | Clemens Eckert | nadběhowar | 192 cm | 35 |
| 2 | Stephan Wjeńka | nadběhowar | 197 cm | 30 |
| 4 | Stefan Gedik | nadběhowar | 192 cm | 38 |
| 5 | Maks Jurak | nadběhowar | 191 cm | 21 |
| 6 | Daniel Wałda | libero | 186 cm | 32 |
| 8 | Marcel Rjelka | přistajer | 186 cm | 35 |
| 9 | Ludwig Eckert | blokowar | 187 cm | 33 |
| 10 | Christian Weitzmann | přistajer | 171 cm | 28 |
| 11 | Józef Krawc | blokowar | 193 cm | 21 |
| 12 | Maćij Šěn | přistajer | 179 cm | 32 |
| 13 | Marko Brězan | nadběhowar | 191 cm | 34 |
| 14 | Pawoł Hančik | nadběhowar | 178 cm | 22 |
| 15 | Jurij Lipič | blokowar | 187 cm | 31 |
| Mato Eckert | poradźowar | 190 cm | 62 |
Daniel Wałda
Fota: Mato Eckert (7)
