Wustajeńcu wo Eberhardźe Dučmanu w Serbskim muzeju wotewrili

Budyšin (SN/bn). „Eberhard Dučman je w Serbach snano za to znaty, zo bě na nowonatwarje Budyskeho Serbskeho domu wobdźěleny a zo je z architektom ateljeja Měrćina Nowaka-Njechorńskeho. Zo słuša k mjezynarodnje najwuznamnišim twarskim inženjeram a pioněram naslědneho pomnikoškita a zo bě z wusahowacym znawcom serbskich twarskich stawiznow, pak mnohim wědome njeje. Ćim bóle so wjeselu, zo móžemy wosebitu wustajeńcu wotewrić, wěnowanu jeho hoberskemu žiwjenskemu skutkej. Wona je wažne a trěbne wudospołnjenje nastupajo serbske a němske twarske stawiznow a skići nowe impulsy a perspektiwy za dalše slědźenja.