Přećiwo šmóranju městnow
Zhorjelc/Budyšin (dpa/ch/SN). Sobudźěłaćerjo zhotowjerja ćahow Bombardier Transportation w Sakskej chcedźa jutře přećiwo planowanemu wotstronjenju dźěłowych městnow protestować. Po wuprajenju prěnjeho społnomócnjeneho IG metal Budyšin Jana Otta su wagonownicy w Zhorjelcu a Budyšinje namołwjeni, so na cyłozwjazkowym akciskim dnju wobdźělić. Bombardier chce 1 430 swojich 10 500 dźěłowych městnow w Němskej šmórnyć. Něhdźe 1 200 z nich je na jeho třoch najwjetšich stejnišćach w Zhorjelcu (700 z 2 500), Budyšinje (230 z 1 000) a Hennigsdorfje (270 z 2 800). Sakske zawody su tuž wot wottwara městnow najbóle potrjechene.
Rozmach w tekstilnej industriji
