Skupinje po bijeńcy dźělenej

Wětošow (dpa/SN). Po masowej bijeńcy mjez syriskimi a iranskimi požadarjemi azyla we Wětošowskej přebywarni ćěkancow su wobě skupinje nětko wot so dźělenej zaměstnili, policija w Choćebuzu zdźěli. Tež pozadk bijeńcy jutry póndźelu je mjeztym wujasnjeny: Syričenjo so nócneho grilowanja Iranjanow dla mjerzachu a hóršachu so pola stražnikow. Krótko na to dóńdźe znowa k wurěčowanju při grilu. Na to so roznjemdrjeni Syričenjo do Iranjanow dachu. Politiske abo nabožne motiwy při tym žanu rólu njehrajachu. Přećiwo třom Syričanam přepytuja nětko ranjenja ćěła dla. Po dotalnym přepytowanju je so wjace hač 20 wosobow na rozestajenjach wobdźěliło.

Turistinfo zaso k městu