Marek Krawc rozprawja z čěskeje stolicy za Serbske Nowiny

Praha. Hačrunjež móža so Češa wot lońšeho 16. hodownika darmotnje na koronawirus testować dać, pokazuja woni za to chětro snadny zajim. Wokoło hód bě so hišće wjace hač 40 000 ludźi bjezpłatnje přepytować dało, tuchwilu pak hlada strowotniskim zarjadam w tutym nastupanju skerje mjenje dźěła do rukow. Při tym je so britiska wirusowa mutacija tež do susodneho kraja předrěła.