Marek Krawc rozprawja wo aktualnje rozjimanych temach w Čěskej

Praha. 50 milionow krónow (dwaj milionaj eurow) dóstanu gmejny, kotrež wojowachu w minjenych tydźenjach přećiwo wulkej wodźe. Financna pomoc, kotruž Praski magistrat k dispoziciji staji, je předwidźana za wsy a města na sewjernej Morawje, w južnych Čechach a Frýtlantskim wuběžku. Dźesać milionow krónow dóstanjetej měsće Ostrava a Jeseník. Hižo do toho běchu jednotliwe Praske měšćanske štwórće krizowe kónčiny z pomocnymi srědkami kaž na přikład z twarskimi sušakami podpěrali.