Póst Drježdźany I –
Viktoria Worklecy 3:0
(31:29, 27:25, 25:16)
zestawa domjacych: Beno, Jakub a Ławrjenc Bobka, Marko Brězan, Ludwig Eckert, Elias Kummer a Šćěpan Wjeńka
Sobotu do třećeho adwenta bě so prěnje koło sakskeho krajneho pokala wuhrało, tak mjenowaneho „Sparkassencup“. Njebě to runjewon idealny termin za swójbnych nanow we wšěch mustwach krótko do hód. Tak podachu so Worklečanscy wolejbulisća z jenož sydom hrajerjemi do krajneje stolicy, z třomi rutinjejemi a štyrjomi youngsterami. Tola bě to móžnosć runje za młodych hrajerjow, pokazać swoje kmanosće pod wubědźowanskimi wuměnjenjemi. Woni móžachu bjez ćišća hrać, wšako njewočakowaše nichtó sensaciju dobyća Sakskeho krajneho pokala.