Wot 13. do 17. januara pobychu šulerki a šulerjo Budyskeho serbskeho gymnazija (SGB) w Krkonošach w Čěskej. W Jánskich Láznjach běchu w sněhakowarskim lěhwje w arealu „Černá hora“. Wuměnjenja za sněhakowanje běchu wuběrne.

Póndźelu rano čakachu tři rjadownje 8. lětnika hižo njesćerpliwje na wotjězd busa do Jánskich Láznjow.

Hižo na prěnim dnju podachu so započatkarjo po wupožčenju sněhakow na sněhakowarsku pistu w bliskosći wupožčowarnje, zo bychu so hižo ze sněhakowarskim materialom zeznajomnili a prěnje jězdźenske zwučowanja wuwjedli. Po wječeri slědowaše oficialne wotewrjenje sněhakowarskeho lěhwa.