Schrift vergrößern
Helmut Kurjo je w swojej zběrce wulku mnohotnosć serbskich drastowych dźělow zachował. Su to hawby družki, rjećazy, rubiška, sekle, fale, črije. Wón chowaše sej zdobom tkane płachty, měchi a rubiška. K zběrce słušeja tohorunja dźěłowe graty z ratarstwa, rjemjeslniske graty, jutrowne jejka a krosno swojeje wowki Madleny Kurjoweje. Andreas Kirschke
Z filmowym popołdnjom je Serbski muzej w Choćebuzu njedawno Serba Helmuta Kurja (1935-2023) počesćił. Mjez přihladowarjemi zbliska a zdaloka je lěta 1997 za mdr nastata dokumentacija „Kurjowy dwór“ Petera Rochi wjele dopomnjenkow zbudźiła.
Heidemarie Listowa z Čorneho Chołmca a Heidrun Kurjowa (wotlěwa) wjeseleštej so nad wjele zajimom a mnohimi wopytowarjemi na filmowym popołdnju w Choćebuskim Serbskim muzeju.
Helmut Kurjo bě swěrny kemšer a wot lěta 1960 do 2007 angažowaše so sobu we wosadnej cyrkwinskej radźe. Dołho bě wón cyrkwinski starši a lektor. Wot lěta 1990 zamołwi ze sydom dalšimi křesćanami z wosady słužbu zwóńka.
„Dokumentaciju zběrki Helmuta Kurja w serbskim Blunjanskim dialekće. Kniha 1 a kniha 2“ je Hanka Zahrodnikec z Ćiska zestajała.
