Motor Kumwałd – SJ Chrósćicy II 5:3 (3:1)

Zestawa hosći: Kola – Wićaz, F. Zahrodnik, Mark, Sćapan, Budar, Donat, M. Zahrodnik, Hojer, Klemenc, Bjeńš

Koparska rezerwa Chróšćanskeje sportoweje jednotki bě so minjenu sobotu do Kumwałda podała. Wuchadźišćo bě wšo druhe hač optimalne, wšako steješe trenarjej Danielej Ričelej jenož jědnaće skerje młodych, hač nazhonitych hrajerjow k dispoziciji. Z njezwučenej zestawu 1-3-3-3-1 bě plan Chróšćanow centrum kompaktnje zastajić a tak přećiwnika na stronje stłóčić.