Čłonojo CDU so wo prašenjach nastupajo ćěkancow dorozumili

Ralbicy (aha/SN). Kak wobchadźeć z politiku ćěkancow dla – tele prašenje steješe w srjedźišću wčerawšeho zetkanja čłonow CDU z gmejnow zarjadniskeho zwjazka Při Klóšterskej wodźe w Ralbicach. Přeprosył bě jich předsyda Ralbičanskeje skupiny CDU Eduard Luhmann. Wuchadźejo z toho, zo ma kóždy ćěkanc a požadar azyla w Němskej zakonsce zaručene prawo na wěste zaměstnjenje, rěčachu we wěcownej diskusiji wo tym, kak móhli serbske gmejny tomule žadanju wotpowědować. Runočasnje chcychu so dorozumić, što je trjeba wobkedźbować, zo by so serbska identita při zaměstnjenju ludźi rozdźělnych narodow, nabožinow a kulturow zachowała.