Tilich a Woidke wuprajataj so dale za Łužiski dialog

Běła Woda (SN/BŠe). „Trjebamy wjac hač jenož nadźiju, trjebamy perspektiwu“, zwurazni sakski ministerski prezident Stanisław Tilich (CDU), kiž zetka so wčera zhromadnje ze swojim braniborskim kolegu Dietmarom Woidku (SPD) ze za­stupjerjemi wokrjesow, gmejnow, hospodarstwa, dźěłarnistwow a dalšich to­warstwow k Łužiskemu dialogej w Běłej Wodźe. Tajka zhromadna rozmołwa dopokazuje, zo je so cyły region na puć podał strukturnu změnu zwoprawdźić.