Wojerecy (KD/SN). Město Wojerecy poskića młodźinje nowe powołanske perspektiwy, na přikład we wobłukach: wobnowjomne energije, turizm, strowota, twarjenje a bydlenje. Tute w změnje strukturow a z demografiskej změnu nastawaja. Na lětušej kubłanskej konferency 2024 města a koordinacije za kubłanje tutón tydźeń wutoru, su mnozy zastupjerjo powšitkowno- a powołanskokubłacych šulow, předewzaćow, towarstwow a čłonojo měšćanskeje kubłanskeje přirady rozjimali, kak móhli šulerjam móžnosće wukubłanja w měsće zbližić.