Łužiske koło z politiskej podpěru w měrcu próstwu pola EU zapoda

Čorna Pumpa (AK/SN). Łužica chce so z modelowym regionom za produkciju energije bjez wustorkowanja wuhlikoweho dioksyda stać. Wotpowědne požadanje zapoda zwjazk městow a gmejnow „Łužiske koło“ 18. měrca EU w Brüsselu. Dokument přiwza tam Stéphane Séjourné, wiceprezident komisije EU za derjeměće a strategiju industrije a zdobom komisar za industriju, małe a srjedźostawske předewzaća a nutřkowne wiki EU. Grodkowska měšćanostka a rěčnica braniborskich komunow we Łužiskim kole Christine Herntier (bjezstronska), podšmórny wčera w Čornej Pumpje na zetkanju organizacije z Michaelom Kellerom (Zwjazk 90/Zeleni), parlamentariskim statnym sekretarom w hospodarskim ministerstwje Zwjazka, zo njesmě so projekt „Net Zero Valley Łužica“ wólbow do zwjazkoweho sejma dla dlijić.