Na Budyskej ležownosći Hentschke Bau su wčera slědźerski móst přepodali

Budyšin (SN/BŠe). Na ležownosći předewzaća Hentschke Bau na kromje Budyšina je minjene měsacy inowacija – móst za slědźenje – nastał. „Projekt je sej wosebite městno hnydom při hłownej dróze zasłužił. To je reprezentatiwne, a kóždy móst hnydom widźi“, wuzběhny jednaćel twarskeho předewzaća Jörg Drews na wčerawšim zahajenskim zarjadowanju, na kotrymž je so tež wjele politiskeje prominency wobdźěliło. „Slědźenje a wuwiće zwjazatej so tu praktisce“, Drews rozjasni.