Halowy koparski turněr přewjedli
Kónčna tabulka:
1. SJ Chrósćicy 3:1 9
2. Sokoł Ralbicy/Hórki II 3:1 8
3. Sokoł Ralbicy/Hórki 2:2 5
4. SJ Njebjelčicy 3:3 3
5. ST Marijina hwězda 0:4 2
Poprawom trenuje w Ralbicach kóždy pjatk nawječor młodźina E Sokoła Ralbicy/Hórki. Pjatk tydźenja pak přewostajichu halu swojim młódšim přećelam, wšako přeprosychu sej Sokoljo młodźiny F cyłki samsneje starobneje klasy z Chrósćic, Njebjelčic a ST Marijineje hwězdy z Pančic-Kukowa na tajki prawy serbski přećelski koparski turněr.
Regionalny ligist FC Energija Choćebuz ma noweho trenarja
Po wuspěšnej prěnjej połseriji a načolnej poziciji w regionalnej koparskej lize sewjerowuchod bě šeftrenar FC Energije Choćebuz Claus-Dieter Wollitz k zadźiwanju mnohich zastojnstwo złožił. Pječa njebě mjez nim a wjednistwom Energije hižo dosć dowěry. Z nowym trenarjom Sebastianom Abtom je so nětko za Serbske Nowiny Georg Zielonkowski rozmołwjał.
Hišće srjedź decembra sće nimale kategorisce wuzamknył, zo šeftrenarstwo FC Energije přewozmjeće. Zwotkel nadobo tajki přewrót?
S. Abt: Tehdy běše Claus-Dieter Wollitz hišće šeftrenar, tuž njebě to za mnje docyła tema na to myslić, so raz ze šeftrenarjom muži stać. Běch nazwučowar wubranki U 19, kotraž hraje w zwjazkowej koparskej lize, a mějach z njej dosć dźěła. Z „Pele“ Wollitzom sym so přeco wuměnjał, a to na zakładźe wuběrneho zhromadneho dźěła. To bě jara wažny čas za mnje, wažu sej jeho hač do dźensnišeho. Nadobo pak je wšo hinak přišło. Jako su mi zamołwići kluba dowěru darili, bě mi to wulka česć, a po krótkim času rozmyslowanja sym nowe wužadanje přiwzał.
Widźał, słyšał, napisał (20.01.20)
„Dyrbitaj z dopingowej kontrolu ličić!“ W prěnim wokomiku tak prawje njewěm, što to dyrbi. Steju ze synom před recepciji hotela blisko Ruhpoldinga, dokelž chcemoj sej swětowy biatlonowy cup wobhladać. Ale dopingowa kontrola je tola za profijow a nic za dweju wjesnjanow, kotraž mataj w ćěle snano hišće někajke slědy Koćinskeho Krabatoweho twarožka abo husaceho šmałca z Budyskeho „Wjelbika“!? Šefina hotela pak je hnydom dale rěčała a namaj rozkładła, zo mamoj stwu w pódlanskim twarjenju, w kotrymž je nimo naju jenož narodne biatlonowe mustwo z Kazachstana. W stwach 1, 3, 4, 5 a 6 bydlachu Kazachojo, w stwě čisło 2 Serbaj.
Sport (17.01.20)
Kónctydźenski wolejbul
Prěnje wolejbulowe mustwo Viktorije Worklecy změje swoju prěnju dypkowu partiju lěta 2020 w Habrachćicach (Ebersbach), a to jutře, sobotu, wot 14 hodź. Tam hraje wone jako druhi tabulki přećiwo šestemu, mustwu TSV Kundraćicy. Prěnju partiju doma běchu Worklečenjo srjedź oktobra z 3:0 jasnje dobyli. Su tuž we wróćohrě jasny faworit. Dalše hry:
18.01. 14:00 Schönbachske VV –
HZ Pančicy-Worklecy II (žony, w Lubiju)
25.01. 14:00 Viktoria Worklecy –
MSV Budyšin 04 III (ž)
25.01. 14:00 Viktoria Worklecy –
Módro-běłe Wojerecy II
Koparske přihoty na 2. połseriju
Hotuja so na nowu sezonu
Zamołwići Zapadołužiskeho koparskeho zwjazka su w Hlinowcu hrajnu dobu wólnočasneje ligi w lěće 2019 wuhódnoćili a so zdobom na nowu přihotowali. 17 sportowcam rozłoži nawoda stafle Siegmund Heidrich wuslědki minjeneje sezony. Na wulkim polu stachu so Kulowscy koparjo z mištrom, w pokalu pak dyrbjachu so woni HZ Rakecam/Šćeńcy kłonić. W stafli za małe hrajnišćo wubědźowachu so tři mustwa. Cyłk z Łutow wopokaza so jako najwuspěšniši. Tutu ligu chcedźa tež lětsa dale wjesć a wabja za to mustwa z teritorija Zapadołužiskeho koparskeho zwjazka.
Negatiwnje hódnoćił je Heidrich wulku kopicu přesunjenych hrow. Tak dyrbjachu mustwa na kóncu sezony jendźelske tydźenje zapołožić, zo bychu sezonu dypkownje zakónčili. Tež ličba žołtych kartow je w běhu zašłych lět rozrostła. Přitomni pak běchu sej přezjedni, zo njejsu hry njefairne. Mustwa zasadźeja wukubłanych sudnikow, kotřiž konformnje sudźa a foule tež chłostaja.
Wuslědki (16.01.20)
Tabulki dorosta Zapadołužiskeho koparskeho zwjazka
młodźina F, wokrjesna liga-stafla 1
1. ST 1896 Wulka Dubrawa 9 8 :0 25
2. Zeleno-běli Bukecy 9 8 :1 24
3. FSV Budissa Budyšin 9 7 :1 22
4. ST Horni kraj Sprjewja 9 6 :3 18
5. Motor Kumwałd 9 5 :4 15
6. TSV Wóspork/Hrodźišćo 9 4 :5 12
7. ST Horni kraj Sprjewja II 9 3 :6 9
8. HZ TSV 1859 Wjernarjecy/FV Concordia Sohland 9 2 :7 6
9. Zeleno-běli Bukecy II 9 1 :8 3
10. ST 1922 Radwor II 9 0 :9 0
młodźina F, wokrjesna liga-stafla 2
1. ST Huska 8 7 :1 21
1. Póst Germania Budyšin 8 7 :1 21
3. ST Huska II 8 6 :2 18
4. FSV Budissa Budyšin II 8 5 :4 13
5. TSV Połčnica 1920 8 4 :5 10
6. TSV 90 Wjazońca 8 3 :5 9
7. Biskopičanske KT 08 8 2 :5 7
7. SG Frankenthal 8 2 :5 7
9. Postup Großharthau 8 0 :8 0
młodźina F, wokrjesna liga-stafla 3
1. TSV Połčnica 1920 9 9 :0 27
2. SC 1911 Großröhrsdorf 9 8 :2 22
3. HZ FV Ottendorf-Okrilla II/Hermsdorfske ST 9 7 :3 19
4. Lomnitzer SV 9 6 :4 16
5. ST Kinspork/Łužnica 9 5 :5 13
6. SG Großnaundorf 9 4 :6 10
7. ST Kinspork/Łužnica II 9 3 :6 9
8. Liegau-Augustusbad II 9 4 :7 8
9. FV Ottendorf-Okrilla 05 9 3 :8 5
10. Arnsdorfske KT 9 1 :9 1
młodźina F, wokrjesna liga-stafla 4
1. Jednota Kamjenc 9 9 :1 25
2. Hlinowski SC 9 9 :2 23
3. FSV Bretnig-Hauswalde 9 8 :2 22
4. Sokoł Ralbicy/Hórki 9 5 :4 15
4. SJ Chrósćicy 9 5 :4 15
6. SV Bischheim-Häslich 9 3 :6 8
6. ST Marijina hwězda 9 3 :6 8
8. SJ Njebjelčicy 9 3 :8 5
9. HZ Natwar Němske Pazlicy/ST Běła/Cunnersdorf 9 2 :8 4
9. TSV Połčnica II 9 2 :8 4
młodźina F, wokrjesna liga-stafla 5
1. ST Lubuš 9 9 :0 27
Wokrjesne koparske mišterstwa Ü 35
Přewjedu wjacore turněry w „Slaviji“
Radwor (jh/SN). Sportowe towarstwo 1922 Radwor zarjaduje wot pjatka, 31. januara, do njedźele, 2. februara, wjacore halowe koparske turněry za dorost. Posledni dźeń januara budźe w hali „Slavia“ wot 19 do 23 hodź. turněr młodźiny B. Sobotu hraja wot 9 do 13 hodź. cyłki młodźiny F, wot 14 do 18 hodź. mustwa młodźiny C a wot 19 do 23 hodź. młodźina A. Njedźelu budu wurisanja wot 9 do 13 hodź. z turněrom młodźiny E a wot 14 do 19 hodź. młodźiny D.
Připrajili su dotal mjez druhim cyłki SJ 1981 Chrósćicy, FSV Budissy Budyšin a z Hornjeho kraja.
Serbscy šulerjo při wysokim saku wuspěšni
W prěnim šulskim tydźenju po hodownych prózdninach wotmě so w Rychbachu pola Lubija regionalne finale šulerskeho wubědźowanja „Młodźina trenuje za olympiju“ we wolejbulu. Nimo gymnaziastow starobneje klasy II z Niskeje a Žitawy wobdźělištej so tež dwě serbskej hólčej mustwje. Wonej běštej z Worklečanskeje wyšeje šule a ze Serbskeho gymnazija Budyšin. Mjez holcami móžachu so tež wolejbulistki Budyskeho Serbskeho gymnazija za wubědźowanje kwalifikować.
Holcy mějachu chětro sylnych přećiwnikow. Přiwšěm wone derje wustupowachu. Tak zawěsćichu sej z jednej dobytej hru třeće městno a tak bronzowu medalju.
Wolejbulistki z Pančic a Worklec hraja jako dwě mustwje
Wokrjesna klasa wuchodneje Sakskeje – po prěnjej połseriji
1. Schönbachske VV 8 23 : 6 21
2. VV Žitawa 09 II 7 21 : 5 19
3. VV Žitawa 09 III 7 15 : 12 11
4. Módro-běłe Wojerecy II 7 11 : 13 10
5. MSV Budyšin 04 III 7 10 : 12 9
6. HZ Pančicy-Worklecy II 6 9 : 11 8
7. Viktoria Worklecy 7 3 : 18 3
8. Nysa Wolejs II 7 0 : 21 0
Wobwodna liga wuchodneje Sakskeje – po prěnjej połseriji
1. Doprědka Rózbork 8 24 : 8 21
2. HZ Pančicy-Worklecy 8 22 : 8 20
3. JTVG Koblicy 8 20 : 11 17
4. TSV Kundraćicy 8 16 : 13 14
5. OSC Lubij 8 16 : 14 12
6. Ochranowske wolejfantki 8 13 : 16 9
7. ST Kupoj-Nowa Łuka 8 12 : 18 9
8. Nysa Wolejs 8 6 : 21 4
9. MSV Budyšin 04 II 8 3 : 23 2
Hižo nalěto 2019 bě Hrajnemu zjednoćenstwu Pančicy-Worklecy hoberske naprašowanje za aktiwne hraće njeskónčnu mustwowu lisćinu wobradźiło, zo njebě trenarskej dwójce Danieli Kralec a Stephanej Mühlej hižo móžno, kóždu wolejbulistku prawidłownje zasadźić. A dyrbjachu mustwo do dweju dźělić. Wužadanje tuž znowa bě zamołwitosće postajić a přewzać a zhromadnje hrajne nazhonjenja zběrać – a to jako jedyn team w dwěmaj mustwomaj. Cyłkaj dale hromadźe trenujetej a matej při tym wjele wjesela.
Wobwodna liga wuchodneje Sakskeje – HZ Pančicy-Worklecy
