Sylny wustup z njezasłuženym wukóncom
SV Babelsberg 03
– Budissa Budyšin 2:2 (1:2)
Zestawa hosći: Wohlfeld – Kolan, Patka, Hausdorf, Heppner, Pfanne, Hoßmang, Žuljević (89. Baudis), Rosendo, Barnickel (73. Hermann), Hänsch (58. Němec)
Prěnju hru jako zamołwity trenar koparjow Budissy Budyšin měješe Torsten Gütschow w Babelsbergu. Po krótkej přihotowanskej fazy chcyše so wón z mustwom rady z najlěpšim wunoškom nawróćić. Z Maikom Salewskim pak pobrachowaše najnazhonićiši stajny hrajer pjateje žołteje karty dla. Prěnje akcenty sadźachu hosćo. 1:0 bě Daniel Hänsch přihotował a Marko Žuljević docpěł (13.). Po tym zo běchu domjacy dwě šansy wuwostajili, woni přez Andisa Shalu wurunachu (27.). Njetraješe dołho a Budyšenjo znowa nawjedowachu. Třělwa nadběhowarja Hänscha dyri do hornjeho třiróžka wrotow (31.). Hosćo startowachu dalše nadběhi, zo bychu třeće wrota docpěli.
Porjedźenka
Bolostnu poražku poćerpjeli
SG Frankenthal
– SJ Njebjelčicy 3:0 (1:0)
Zestawa hosći: Hahn – Zeller, Pawlik, Haška, Hrjehor, Lejnart (82. Janca), Kral, Hanuza, Korjeńk (72. Hoelzel), Hommel, Šołta (63. Čornak)
W Frankentalu njeje so koparjam Njebjelčanskeje SJ wospjet poradźiło dypkować. Najskerje bě w jich hłójčkach hišće euforija ze zašłeho wuspěcha abo blokada twjerdeho hrajnišća dla, kotrež pak bě w porjadnym stawje. Hosćićelscy hrajerjo běchu hibićiwši, spěšniši při bulu a koncentrowaniši w dwubojach. Handrij Korjeńk drje so w 10. min. na prawym křidle derje přesadźi, ale sadźi kulowatu kožu nimo wrotow. Krótko po tym postaji sudnik wólny kop za domjacych, a wótrje třěleny bul zhłójčkowa nadběhowar njedźeržomnje k 1:0 do saka (13.). Do přestawki spytachu Njebjelčenjo wurunać, ale tu so zaso pokaza, zo bě přećiwnik přeco spěšnje při mužu a tak natwar hry myleše. Nimo toho je přez cyły čas rumy w srjedźnym polu wuske dźeržał. Tak akcije Roberta Lejnarta w šěsnatce (28.), Pawla Hrjehorja na prawej stronje (32.) a Korjeńka (41.) bohužel ničo njewunjesechu.
Nowačk w předsydstwje SJN
Dypk po dypku bu pjatk wječor w Njebjelčanskej towarstwowej rumnosći dnjowy porjad lětušeje hłowneje a wólbneje zhromadźizny Sportoweje jednotki Njebjelčicy (SJN) wotdźěłany. Wšitcy stari čłonojo předsydstwa běchu so derje přihotowali a dóstachu jednohłósnje ruku zběhnjenu, zo je nimale 40 přitomnych čłonow z jich dźěławosću w zašłych pjeć lětach spokojom. Na to sćěhowachu nowowólby předsydstwa a rozšěrjeneho předsydstwa. Tež předstajenje kandidatow a wólbna procedura, kotraž běše tajna, wjele časa njetrjebaštej.
„Són w krótkim času wusonjeny“
Zwrěšćenu pjenježnu akciju komentuje dźensa Georg Zielonkowski, naš reporter z Choćebuza.
Wuslědki (14.03.17)
Wokrjesna koparska liga, stafla III
Frankenthal – Njebjelčicy 3:0 (1:0)
Arnsdorf – Großröhrsdorf II 1:1 (1:0)
Großnaundorf – Němske Pazlicy 2:0 (1:0)
Haselbachtal – Němske Pazlicy 4:2 (2:1)
Wóslink/Skaskow – Drjewnica 1:1 (0:1)
1. SG Großnaundorf 15 50 : 15 36
2. TSV Wachau 14 49 : 19 32
3. Natw. Němske Pazlicy 15 38 : 19 32
4. SJ Njebjelčicy 15 27 : 20 27
5. SG Frankenthal 15 36 : 24 26
6. SV Haselbachtal 15 33 : 23 25
7. Zeleno-běli Sepicy 15 37 : 33 20
8. SC Großröhrsdorf II 15 28 : 30 19
9. Arnsdorfske KT 15 21 : 24 19
10. ST Marijina hwězda 14 23 : 22 18
11. SV Hermsdorf 15 22 : 40 16
12. ST Drjewnica 15 13 : 46 10
13. SZ Wóslink/Skaskow 15 16 : 44 8
14. Liegau-Augustusbad 15 17 : 51 5
krajna liga
1. FC Eilenburg 17 47 : 11 45
2. FC Grimma 17 39 : 16 42
3. Jednota Kamjenc 17 38 : 14 38
4. Hohenst.-Eernstthal 17 39 : 26 29
5. Wocl Riesa 17 35 : 31 29
6. VfL Pirna-Copitz 17 29 : 26 24
7. Markkleeberg 16 29 : 33 21
8. FC Lößnitz 17 19 : 27 19
9. Rapid Kamjenica 16 29 : 28 16
10. Přezjednota Niska 16 21 : 28 16
Pokal wuspěšnje zakitowali
Stari knježa Sokoła Ralbicy wuhotowachu po póstnicach znowa swój tradicionalny koparski turněr. Na njón běchu sej štyri serbske cyłki přeprosyli. Sami pak nastupichu lětsa jeno z jednym mustwom. Kóžde přećiwo kóždemu hraješe stajnje wosom mjeńšin. Sokoljo derje startowachu a porazychu Chróšćanow jasnje 4:0. Njebjelčenjo přewinychu Marijinu hwězdu z 2:0. Zazběh Hórčanow pak so z poražku 0:1 přećiwo Chróšćanam nimokuli. Na to sej domjacy a hosćo z Njebjelčic dypki bjez wrotow dźělachu. Hórčenjo pak so po dwěmaj dobyćomaj přećiwo Marijinej hwězdźe a Ralbičanam sobu doprědka sunychu. Tak prawje jich najskerje nichtó na zličbowance njeměješe a wšitcy pozabychu, zo su woni zakitowar pokala. W poslednjej hrě dyrbjachu Hórčenjo přećiwo Njebjelčanam dobyć. A to so jim tež z najsnadnišim wšěch rezultatow 1:0 zešlachći.
Kulow zasłužbnje dobył
Zapadołužiski koparski zwjazk bě halowe koparske mišterstwa w starobnej klasy nad 35 lětami w sportowej hali Wojerowskeho powołanskošulskeho centruma „Konrad Zuse“ zarjadował.
Widźał,słyšał, napisał (13.03.17)
Awtor dźensa
Jan Hrjehor
Móža so hišće za němske mišterstwa kwalifikować
Heringen/Helme. Volleyballowe hrajne zjednoćenstwo ST Marijineje hwězdy a Budyskeje FSG Budyšin je wčera w durinskim Heringenje/Helmje pola Nordhausena druhe městno na regionalnych mišterstwach wuchodneje Němskeje w starobnej klasy nad 53 lětami wobsadźiło. Nětko maja serbscy a němscy volleyballisća šansu, so 7. meje w hrě přećiwo cyłkej z Hessenskeje abo Bayerskeje za němske mišterstwa swjatki kwalifikować.
Hižo w januarje bě sej měšane mustwo Pančičanow a Budyšanow druhe městno na sakskich mišterstwach w swojej starobnej klasy zawěsćiło, podležawši jenož Motorej Thurm. Wčera poradźi so Łužičanam nětko rewanša. Dobyćer Južne Smoliny-Nordhausen je so direktnje za němske mišterstwa kwalifikował. SN
