Łužica změje zaso wukubłanišćo wučerjow za zakładne šule. To budźe w Złym Komorowje, na tamnišim stejnišću Braniborskeje techniskeje uniwersity Choćebuz-Zły Komorow (BTU). Braniborska planuje studij wot nazymskeho semestra 2023/2024 tam startować. Na nowej „kowarni“ wuwučowacych njeměli tež na delnjoserbšćinu a pólšćinu zabyć. Nimo toho móhło to alternatiwa za studijnych požadarjow z wokrjesow Budyšin a Zhorjelc być.