W awgusće trójce a spočatk septembra hnydom dwójce wubědźowachu so na teritoriju zarjadniskeho zwjazka při Klóšterskej wodźe Pančicy-Kukow dobrowólni wohnjowi wobornicy w hašenju.

Wužiwanje klumpow bě wšudźe hinak rjadowane, wubědźowanska čara 120 m pak bě na kóždym městnje jenak dołha. We Wotrowje běhaše so horu horje, w Sernjanach wužiwachu wobornicy hnydom wodu z Klóšterskeje wody. Pěskečanam a Róžeńčanam bě Sorabija z Noweje Wjeski wodu we wulkim sudźe přiwjezła. A wosebitosć w Smjerdźacej bě, zo mějachu tam tři běhi, mjez druhim z dwěmaj wšelakimaj technikomaj klumpanja wody. A w Róžeńće startowaše lětsa po dołhim času zaso raz hosćićelske mustwo z wobornikami nad 40 lětami. Z kónčnych tabulkow je wučitać, zo maja wobornicy z delnich Sulšec lětsa hnydom dwě jara dobrej mustwje. W Róžeńće a tež w Pěskecach pak dobyštej druhej hašenskej cyłkaj. Wubědźowanska sezona zakónči so pjatk wječor w 20 hodź. z wurisanjom pod swětłomjetakami w Ralbicach. Mia-Katarina Hrjehorjec

Wuslědki hašenskeho nadběha –

Sernjany

1. Sulšecy II  25,16 s

2. Sulšecy I  25,60 s

3. Smjerdźaca  27,16 s