Werdau. We Werdauwje njedaloko Šwikawy wotmě so minjeny tydźeń, wot srjedy do soboty centralny rěčny seminar, na kotrymž wobdźělichu so najlěpši šulerjo cyłeje Sakskeje. Lětsa bě tam dohromady pjeć ­rěčow zastupjenych: čě­šćina, rušćina, łaćonšćina, španišćina a francošćina. Z Budyskeho Serbskeho gymnazija wuzwolichu so za čěšćinu slědowacy šulerjo: ­Luisa Hančikec a Marta Handrikec (wobě 10. lětnik) kaž tež Filip Malink (9. lětnik).