Sakski kultusowy minister Conrad Clemens (CDU) po puću we Łužicy

Chrósćicy/ Worklecy/ Budyšin (SN/MG). Štyri a poł hodźiny je sej kultusowy minister Conrad Clemens (CDU) wčera, srjedu, za serbske kubłanišća chwile brał. Startował je wón swoju turu, kotraž je dźěl swojeje kampanje „sto šulow w sto dnjach“, w Chróšćanskej pěstowarni „Chróšćan kołć“. Wosebje zajimował je so tam za wučomnikow a koncepcionelne prašenja. Prěni raz je sej wón do Chrósćic dojěł, wón powěda. W pěstowarni Clemens­a wosebje fascinowaše, zo dźěłaja kubłarki a kubłarjo po poł wotewrjenym koncepće. Wjednica „kołća“ Kerstin Šołćina ministrej swoje wašnje dźěłanja rozłoži. Najwjetši problem, kotryž w pěstowarni narěča, su pobrachowace dźěći w druhich pěstowarnjach. Šěsć młodych ludźi w Chrósćicach runje swoje wukubłanje absolwuje. „Njemóžu lětsa žane nowe zrěčenje podpisać“, praji předsydka Serbskeho šulskeho towarstwa Katharina Jurkowa. Za móžnosćemi, kak móhli serbscy pedagogojo w druhich kontekstach dźěłać, Clemens nětko pyta.