Pančicy-Kukow (SN/MWj). Pjeć gmejnow zarjadniskeho zwjazka Při Klóšterskej wodźe žane zhromadne přemysłownišćo njewutwori. Na wčerawšim po­sedźenju zhromadźizny zarjadniskeho zwjazka hłosowaše Njebjelčanska gmejna jako jenička za tajkule přestrjeń, Chrósćicy,­ Pančicy-Kukow, Ralbicy-Róžant a Worklecy běchu přećiwo njej. Tak je nětko tež kónčna smužka pod disku­sije zašłych tydźenjow w jednotliwych gmejnskich radach sćehnjena.