Budyšin (SN/BŠe). „Woprawdźitosć ma płaćiznu a ta njeje přeco najrjeńša“, takle wopisa wědomostnik dr. Robert Langer namakany pokład w Budyskej měšćanskej bibliotece, kotryž su dźensa nowinarjam předstajili. We wobłuku lěta 2014 zahajeneho projekta Němskeho centruma za zhubjene kulturne kubła je wón knihi wuznamneje biblioteki židowskeje swójby předewzaćelow Edithy a Georga Tietza namakał. Firmu předchadnikow Hertie (Hermann Tietz & Co. Warenhäuser) běchu nacije arizowali a biblioteku sćazali. Tak běše to za čas nacionalsocializma z wašnjom.