Tójšto ludźi nastaja so dźensa do Budyskeho tachantstwa, zo bychu tam Handrijej Njekej z wutroby gratulowali a wjele zboža k dźensnišim 64. narodninam wupřeli. Hačrunjež drje bu hižo kónc septembra wot generalneho wikara Andreasa Kutschki, tachantskeho fararja Wita Sćapana a z dźaknym listom biskopa Heinricha Timmereversa na wuměnk rozžohnowany, nima jubilar přichodnje wotpohlad ruce do klina złožić. Swoju dotalnu słužbu chce woblubowany serbski zwóńk čestnohamtsce swěru dale wukonjeć.