Schrift vergrößern
Chór mumijow pod nawodom Michała Cyža zanjese publikumej na sobotnym jolka-swjedźenju kritiske štučki k aktualnym serbskim problemam. Derje hodźeše so melodija hita skupiny Deep Purple „Smoke on the water“. Foto: SN/Maćij Bulank
Nuknica (JK/SN). W zymskim času přebywaja mnozy w Egyptowskej tamnišeho miłeho wjedra dla na dowolu. Štóž sej to lětsa snano z powołanskich abo financnych přičin njeje dowolić móhł, měješe sobotu w Nukničanskej Brězanec bróžni składnosć, Egyptowsku raz na typiske serbske wašnje dožiwić.
Wjeršk wječora bě skeč SG Sněhowki. Při dialogach Marka Smoły, Stanija Brězana a Wita Bejmaka (wotlěwa) sej mnozy ze smjećom brjuch dźeržachu.
